Kreml Tramptyń Gazadaǵy adamdardy qonys aýdartý týraly málimdemesin estidi – Peskov

ASTANA. KAZINFORM – AQSh Prezıdenti Donald Tramptyń Gaza aýmaǵyndaǵy palestınalyqtardy kórshiles arab memleketterine qonys aýdarý jáne anklavtyń ózin qaıta qurý usynysy Kremlge málim. Alaıda, Máskeý usynysty qabyldamaǵan kórshiles Mysyr men Iordanııanyń da ustanymymen tanys. Bul týraly brıfıng barysynda TASS saýalyna jaýap bergen RF Prezıdentiniń baspasóz hatshysy Dmıtrıı Peskov aıtty. 

– Qonys aýdarý taqyrybyna keler bolsaq, ıá, biz buǵan qatysty Tramp myrzanyń málimdemesin estidik. Sonymen qatar mundaı ıdeıanyń qabyldanbaıtyny aıtylǵan Ammannyń da, Kaırdyń da málimdelelerin estidik, kórdik, - dedi Peskov.

Donald Tramp 4 aqpan kúni Izraıldiń premer-mınıstri Bınıamın Netanıahýmen birlesken baspasóz máslıhaty barysynda AQSh-tyń Gaza spektoryna ásker jiberýge jáne anklavty qalpyna keltirýmen aınalysyp, ony «taıaýshyǵystyq Rıveraǵa» aınaldyrýǵa daıyn ekenin málimdegen bolatyn. Ol úshin amerıkalyq kóshbasshysy palestındikterdi kórshiles elderge – Mysyr men Iordanııaǵa qonys aýdarýdy usynyp otyr. Alaıda, Kaır men Amman palestındikterdiń qonys aýdarýǵa qarsylyq tanytty. 

Eske sala keteıik, buǵan deıin AQSh-tyń Ortalyq barlaý basqarmasy qyzmetkerlerine Tramp baǵdarlamasy aıasynda jumystan shyǵýdy usynǵanyn habarlaǵan edik.