Kreml Pýtın men Tramptyń ne talqylaǵanyn jarııalady
ASTANA. KAZINFORM — Reseı prezıdenti Vladımır Pýtınniń AQSh prezıdenti Donald Tramppen ótkizgen áńgimesiniń qorytyndysyna qatysty málimdemesi Kremldiń resmı saıtynda jarııalandy.
Reseı prezıdentiniń aıtýynsha, áńgime barysynda Ýkraınadaǵy qaqtyǵysty retteý máselesi, Iran tóńiregindegi jaǵdaı jáne ekijaqty qarym-qatynastar talqylanǵan.
Sondaı-aq Reseı tarapy AQSh pen álemdik naryqtarǵa munaı jáne munaı ónimderin jetkizýge daıyn ekenin rastady.
Pýtınniń pikirinshe, bul jahandyq ekonomıkaǵa oń áser etýi múmkin.
Budan bólek taraptar prezıdentterdiń tikeleı baılanysyn jáne eki eldiń prezıdent ákimshilikteri, arnaıy qyzmetteri men ózge de vedomstvolary arasyndaǵy yntymaqtastyqty jalǵastyrýǵa kelisti.
Eske sala keteıik, buǵan deıin Tramp Kıevti Reseıdegi munaı óńdeý zaýyttaryna shabýyl jasamaýǵa úndegen edi.
