Kreml Mınskige BAQ-qa shekteý qoıǵany úshin nesıe bermeımin dep qorqytýda
ASTANA. 30 mamyr. QazAqparat - Belarýs prezıdenti Aleksandr Lýkashenkonyń reseılik buqaralyq aqparat quraldarynyń jumysyna shekteý qoıý nıeti Mınskini 3-3,5 mlrd. dollar kólemindegi nesıeden aıyrýy múmkin,
dep habarlaıdy Lenta.rý.
28 mamyrda «Interfaks» agenttigi habarlaǵanyndaı, Kremldegi joǵary shendi aqparat kózi tilshige bul josparlardyń júzege asýy RF ustanymyna «áser etpeı qoımaıdy» degendi aıtqan.
Juma kúni 27 mamyrda Aleksandr Lýkashenko sheteldik buqaralyq aqparat quraldaryn naryqtaǵy jaǵdaıdy tym ýshyqtyrǵany úshin aıyptaǵan bolatyn. Sonyń ishinde «jaǵdaıdy tym qozdyrǵan» reseılik BAQ ekenin basa aıtty. Sondyqtan Belarýs prezıdenti májilis qatysýshylaryna atalǵan BAQ-ty el shekarasynan shyǵaryp tastaý úshin qoldan kelgenniń barlyǵyn jasaýǵa tapsyrma berdi.
