Kreml kýbogynda qos Mıhaıl: Kýkýshkın men ıÝjnyı kúsh synasady
ASTANA. QazAqparat - Búgin Kreml kýbogy úshin tennısten erler men áıelder arasyndaǵy halyqaralyq týrnırdiń barlyq shırek fınaldarynyń matchy oınalady.
Sonyń biri qazaqstandyq jáne reseılik jankúıerlerdiń erekshe nazaryn aýdaryp otyr. Ol - Qazaqstan atynan synǵa túsetin Mıhaıl Kýkýshkın men reseılik Mıhaıl ıÝjnyıdyń ózara kezdesýi. Qos Mıhaıl bir-birin jaqsy biledi, buǵan deıin birneshe márte şeberlik baıqasqan. Árıne, osy týrnırdiń jetinshi raketkasy M.ıÝjnyıǵa jergilikti jankúıerlerdiń kóbirek búıregi buratyny anyq. Onyń ústine ol erler saıysynda Reseıdiń qalǵan jalǵyz úmiti bolyp otyr. Degenmen, Qazaqstan namysyn qorǵaıtyn M.Kýkýshkın de baryn salatyny anyq. Oıynnyń asa qıyn bolatynyn teledıdardan bergen suhbatynda M.ıÝjnyıdyń ózi de málimdedi. M.Kýkýshkın jýyrda Shanhaıdaǵy týrnırde jaqsy óner kórsetti. Onda qazaqstandyq tennısshini álemniń birinshi raketkasy Novak Djokovıch qana toqtata aldy, sonyń ózinde bir partııany M.Kýkýshkın utty. Qazaqstandyq sportshy sol qarqynyn áli joǵaltqan joq. Ótken jyly Kreml kýbogynda fınalǵa deıin barǵan ol bıyl da sondaı tabystan dámeli. Erler básekesinde bıyl ótken jylǵy jeńimpaz, frantsııalyq Rıshar Gaske joq. Esesine oılamaǵan jerden bıyl AQSh-tyń ashyq chempıonatyn utyp alǵan horvatııalyq Marın Chılıch bar. Qos Mıhaıldyń qaı jeńgeni sol saıypqyranmen kezdesýi bek múmkin.
Áıelder arasyndaǵy jarys ta tartysty ótýde. Munda reseılik Vıtalııa Dıachenko sensatsııa jasap, týrnırdiń birinshi raketkasy, slovakııalyq Domınıka Tsıbýlkovany utyp ketti. Aıta keteıik, shırek fınalǵa úsh birdeı reseılik tennısshi shyqty. V.Dıachenko men Anastasııa Pavlıýchenkova jartylaı fınal joldamasyn ózara sarapqa salsa, Svetlana Kýznetsova chehııalyq Lıýsı Shafarjovamen kortqa shyǵady.
