Kremlde prezıdent ushaǵy ne úshin jóndeldi
ASTANA. QazAqparat - RF prezıdenti ushaǵyn jóndeý jumystary tosyn oqıǵaǵa baılanysty emes. Bul týraly memleket basshysynyń baspasóz hatshysy Dmıtrıı Peskov habarlady.
Onyń aıtýynsha, memlekettiń birinshi tulǵalary qoldanatyn «Rossııa» arnaıy ushý jasaǵynyń barlyq borttaryna joǵary talaptar qoıylady.
«Sizder memleket basshysy qoldanatyn arnaıy ushý jasaǵy ushaqtarynyń erekshe baqylaýda ustalatyndyǵyn, talaptyń, tekseristiń jáne t.b. joǵary ekendigin bilesizder», - dep atap ótti Peskov.
Budan buryn «Izvestııa» gazeti Vladımır Pýtınniń shetelge ushatyn «Rossııa» arnaıy ushý jasaǵynyń Il-96-300 ushaǵy kómkermesiniń ishine qaraı maıysqandyǵyn habarlaǵan edi. Áýe kemesin jóndeýden ótkizý týraly tender memlekettik tapsyrystar saıtynda jarııalanǵan.
Foto: Mıhaıl Mettsel / RIA Novostı
