Kreml AQSh-tyń Ýkraınaǵa qatysty ýltımatýmyna pikir bildirdi
ASTANA. KAZINFORM — Reseı prezıdentiniń baspasóz hatshysy Dmıtrıı Peskov Kreml AQSh prezıdenti Donald Tramptyń málimdemesin jiti qadaǵalap otyrǵanyn aıtty, dep habarlaıdy reseılik BAQ.
Dmıtrıı Peskov Reseı tarapy barlyq nıýanstardy muqııat túrtip otyrǵanyn atap ótti.
«Biz teń dárejedegi jáne ózara syılastyqqa negizdelgen dıalogqa daıynbyz», bul týraly Memleket basshysy Donald Tramptyń birinshi prezıdenttik merzimi kezindegi dıalogynda aıtqan bolatyn.
— Biz ázirge túspegen sıgnaldy kútemiz, — dedi Dmıtrıı Peskov.
Sondaı-aq, baspasóz hatshysy Donald Tramp birinshi prezıdenttik merziminde de sanktsııa ádisterin unatqanyn eske saldy.
Aıta keteıik, 22 qańtarda AQSh-tyń jańa prezıdenti Donald Tramp Máskeýdi Ýkraınadaǵy qaqtyǵysty toqtatýǵa shaqyryp, olaı bolmaǵan jaǵdaıda Reseıdiń AQSh-qa eksporttalatyn barlyq taýaryna sanktsııa men baj salyǵyn engizetinin aıtyp, qorqytqan bolatyn.
AQSh-taǵy prezıdent saılaýy kezinde Donald Tramp Reseı-Ýkraına qaqtyǵysyn tez arada sheshe alatynyn birneshe ret aıtqan.