Kredıttik amnıstııaǵa ilikken azamattar qaıtadan qaryzǵa batyp jatyr
ASTANA. KAZINFORM – 2019 jyly kredıttik amnıstııaǵa ilikken azamattar qaıtadan qaryzǵa batyp jatyr. Bul týraly Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty.
«2019 jyly kredıttik amnıstııaǵa qatysqan zaemşilerge qatysty ahýalǵa saraptama jasadyq. Ókinishke qaraı, olar qaıtadan qaryzǵa batyp otyr. Tipti olardyń keıbirinde problemaly kredıt te bar. Sondyqtan da bul eń aldymen azamattardyń tólem qabiletterin durys baǵalaý máselesine qatysty», - dedi Mádına Ábilqasymova Májilistiń jalpy otyrysynan keıin tilshi saýalyna oraı.
Sonymen qatar agenttik tóraǵasy aldaǵy ýaqytta qarjylyq uıymdar aldynda qaryzǵa batqan azamattarǵa taǵy da kredıttik amnıstııa berilmeıtinin basa aıtty. Qazaqstanda 2019 jyly mundaı is-shara qoldanyldy. Halyqtyń az qamtylǵan sanattarynyń qaryzdary keshirilip, 500 myńnan astam azamattyń shamamen 115 mlrd teńge qaryzy esepten shyǵaryldy. Sonymen qatar 1,2 mln azamattyń shamamen 33,6 mlrd teńge somasyndaǵy aıyppuldary men ósimpuly óteldi.
