Kredıtor qaı kezde qaryzdy kollektorlarǵa beredi
ASTANA.KAZINFORM — Bankter men mıkroqarjy uıymdary qaryz alýshyny tólem merzimi keshiktirilgen kúnnen bastap kúntizbelik 20 kún ishinde habardar etedi jáne qaıta qurylymdaýǵa keńes beredi. Eger bereshek rettelmese jáne keshiktirý merzimi 90 kúnnen assa, kredıtor qaryzdy satýǵa (quqyqtardy (talap etýdi) berýge) nemese ony kollektorlyq agenttikke sotqa deıingi óndirip alýǵa berýge quqyly.
— Alaıda, 2024 jylǵy 1 shildeden bastap jeke tulǵalardyń kredıtteri boıynsha quqyqtardy kollektorlyq agenttikterge (talaptardy) berýge eki jyldyq moratorıı engizildi, ol 2026 jylǵy 1 mamyrǵa deıin kúshinde bolady.
Osy kezeńde azamattardyń boryshtaryn kollektorlarǵa satýǵa tyıym salynady jáne tek qaıta qurylymdaý, aıyppuldardy, ósimpuldar men komıssııalardy keshirý nemese talap etý quqyǵy aýyspastan qaryzdy sotqa deıingi óndirip alýǵa berý arqyly retteýge bolady. Moratorıı aıaqtalǵannan keıin 24 aıdan astam keshiktirilgen jaǵdaıda jáne kredıtor ósimpuldy mindetti túrde keshire otyryp, retteý rásimderin júrgizgen kezde ǵana borysh basqaǵa beriledi, — delingen Qarjy naryǵyn retteý jáne damytý agenttigi habarlamasynda.
Boryshkerdiń qandaı quqyqtary men mindetteri bar?
Boryshker:
- kollektorlyq agenttikten kollektorlyq agenttik, bereshektiń mólsheri men qurylymy týraly málimetterdi alýǵa;
- kollektorlyq agenttiktiń talaptaryn sotta daýlaýǵa;
- bereshekti kollektorlyq qyzmet týraly zańda kózdelgen tártippen retteýge;
- kollektormen ózara is-qımyl jasaýdyń yńǵaıly ádisi men kezeńin tańdaýǵa, kollektormen ózara is-qımyl jasaý protsesin ózi belgileýge;
- kollektorlyq agenttiktiń áreketterine (áreketsizdigine) shaǵymmen Qarjy naryǵyn retteý jáne damytý agenttigine júginýge quqyly.
Boryshker:
- kollektorlyq agenttikke turǵylyqty jeriniń, telefon nómiriniń jáne jeke basyn kýálandyratyn qujattary derekteriniń ózgergeni týraly habarlaýǵa;
- bereshekti retteý maqsatynda kollektorlyq agenttikpen ózara is-qımyl jasaýǵa mindetti.
Kollektorlar qalaı jumys isteýi kerek?
- jumys kúnderi saǵat 08:00–den bastap 21:00–ge deıin aptasyna úsh ret artyq qońyraý shalmaý;
- boryshkermen aptasyna úsh retten jáne jumys kúnderi saǵat 8:00–den bastap 21:00–ge deıingi kezeńde bir retten artyq kezdespeý;
- uıaly baılanys arqyly jazbasha habarlamalar, mátindik nemese daýystyq habarlar jiberý.
Kollektorlyq agenttik boryshkermen árbir baılanysqa shyqqan kezde kollektorlyq agenttiktiń ataýy, onyń eseptik tirkeý nómiri, ornalasqan jeri týraly, ózara is-qımyldy júzege asyratyn tulǵanyń aty-jóni men laýazymyn, kredıtordyń ataýyn habarlaýǵa mindetti.
Kollektorlarǵa ne isteýge tyıym salynady?
- boryshkerdi bereshektiń mólsherine, sıpatyna jáne negizderine qatysty jańylystyrýǵa;
- kollektorlyq agenttik qyzmetkeriniń aty-jónin basqasha habarlaýǵa, sondaı-aq onyń jumys orny jáne (nemese) laýazymy týraly shyndyqqa sáıkes kelmeıtin málimetterdi habarlaýǵa;
- boryshkerdiń ar-namysyna, qadir-qasıetine jáne iskerlik bedeline nuqsan keltiretin málimetterdi taratýǵa ne boryshkerdiń múddelerine zııan keltirýi múmkin málimetterdi jarııa etýge;
- boryshkerdiń quqyqtary men bostandyqtaryna qol suǵatyn, olardyń ómiri men densaýlyǵyna qater tóndiretin, sondaı-aq osy tulǵaǵa múliktik jáne ózge de zııan keltirýge alyp keletin, quqyqqa qaıshy áreketter jasaýǵa;
- boryshkerge, kúsh qoldaný ne olardyń múlkin joıý nemese búldirý qateri, qorlaý, alaıaqtyq, jalǵan qujattar jasaý, bopsalaý arqyly qysym kórsetýge tyıym salynady.
Kollektorlyq agenttiktiń kollektorlyq qyzmetti júzege asyrýy kezinde mynadaı josyqsyz áreketterdi júzege asyrýyna:
- bereshekti óteý esebine aqshany (qolma-qol nemese qolma-qol emes nysanda), sondaı-aq ózge de múlikti qabyldaýǵa;
- bereshekti aqshadan basqa, ózge múlikpen óteýin talap etýge tyıym salynady.
Quqyqtaryńyz buzylǵan jaǵdaıda ne isteý kerek?
Kollektorlardyń zańsyz áreketteri kezinde azamattar Qarjy naryǵyn retteý jáne damytý agenttigine shaǵymdana alady.
Buzýshylyqtar rastalǵan jaǵdaıda kollektorlyq agenttikke qatysty tıisti sharalar qoldanylatyn bolady.
El aýmaǵynda qyzmetin júzege asyrýǵa quqyly kollektorlyq agenttikterdiń ózekti tizilimi agenttiktiń resmı saıtynda ornalastyrylǵan.
Aıta ketelik kollektor demalys kúni qońyraý shalsa, ne isteý kerektigi týraly jazǵan edik.