Kredıt kollekshn toby Qazaqstan ekonomıkasyna 2,2 mlrd. teńge qaıtardy
ALMATY. 3 tamyz. QazAqparat - Kredıt kollekshn toby el ekonomıkasyna 2,2 mlrd. teńgeni qaıtaryp, 60 myń azamattyń qaryzyn qaıtarýǵa kómektesti.
Bul týraly búgin Almatyda halyqaralyq kompanııalar tobynyń Qazaqstandaǵy qyzmetiniń 3 jyldyǵyna arnalǵan baspasóz máslıhatynda aıtyldy.
Máseleli qaryzdy óndirý jáne qaryz qorjynyn satyp alýdy kásibı basqarýǵa mamandanǵan kompanııalar toby 2006 jyly qurylǵan bolatyn. Óz qyzmetin TMD aýmaǵynda júzege asyratyn olardyń basqarýynda 1 mlrd. dollardyń 0,5 mıllıonǵa jýyq is bar.
Kredıt kollekshn toby kompanııasynyń bas dırektory Erik Asylseıittiń aıtýynsha, olar búgingi tańda dostastyq elderi aýmaǵyndaǵy 4 memlekette jumys jasaýda. Máselen olar Qazaqstandaǵy úshjyldyq qyzmeti kezinde el ekonomıkasynyń damýyna aıtarlyqtaı úles qosa aldy.
