Kreatıvti ındýstrııanyń ishki jalpy ónimdegi úlesi 1 paıyzǵa da jetpeıdi - Prezıdent

ASTANA. QazAqparat – Parlament palatalarynyń birlesken otyrysynda Prezıdent Qasym-Jomart Toqaev zııatkerlik menshikti zańmen qorǵaý salasyn jetildirýdi tapsyrdy, dep habarlaıdy QazAqparat tilshisi.

«Qazaqstanda kreatıvti ındýstrııa sektory áli damymaǵan. Jalpy ishki ónimge qosatyn úlesi 1 paıyzǵa da jetpeıdi, onyń jumyspen qamtý qurylymyndaǵy úlesi de óte tómen. Sonymen qatar, bizde álemdik arenada da talantymen tanylǵan otandastarymyzdyń tutas bir toby bar. Biz elimizde kreatıvti ekonomıkanyń aýqymdy damýy úshin barlyq jaǵdaı jasaýymyz kerek. Onyń ishinde zııatkerlik menshikti quqyqtyq quraldarmen qorǵaý qajet. Bul asa mańyzdy másele. Zııatkerlik menshik – jabdyq nemese tehnologııa sııaqty múlik», - dedi Memleket basshysy.

Sondaı-aq, Prezıdent medıa, kıno, mýzyka, dızaın, bilim, aqparattyq tehnologııalar sııaqty kreatıvti ındýstrııa salalary ınklıýzıvti ekonomıkanyń damý kózine aınalǵanyn atady.