Kreatıvti ındýstrııany damytýda Ortalyq Azııanyń áleýeti zor – Altaı Kólginov
«Búgingi forým aıasynda sheteldik jáne otandyq sarapshylar aqparat salasyndaǵy yntymaqtastyqty nyǵaıtý, ary qaraı damytý máselelerin jan-jaqty talqylap jatyr. Osy baǵyttaǵy eń zamanaýı ári qarqyndy damyp otyrǵan baǵyttardyń biri - ol kreatıvti ekonomıka nemese kreatıvti ındýstrııa. Statıstıkaǵa nazar aýdarsaq, kreatıvti ındýstrııa álemdik ekonomıkanyń jedel damyp kele jatqan bóligi retinde tanylýda. Bul sala jylyna shamamen 2,3 trln dollar tabys ákeledi eken. Kreatıvti ındýstrııanyń álemdik eksporty - orta eseppen 250 mlrd dollar», - dedi vıtse-premer elordada ótip jatqan І Ortalyq Azııa medıaforýmynda.
Onyń aıtýynsha, ıÝNESKO boljamy boıynsha kreatıvti ındýstrııa sektory orta merzimdi perspektıvada álemdik jalpy ishki ónimniń 10 paıyzyna deıin ósýi múmkin.
«Ortalyq Azııanyń kreatıvti ındýstrııany damytý úshin úlken áleýeti bar dep esepteımiz. Sońǵy jyldary óńir elderiniń Úkimetteri kreatıvti ındýstrııany túsine otyryp, ony qarqyndy damytý máselesine erekshe nazar aýdaryp keledi. Máselen, Qazaqstanda 2021 jyly Kreatıvti ındýstrııany damytýdyń 2021-2025 jyldarǵa arnalǵan tujyrymdamasy bekitildi. 2020 jyldyń qorytyndysy boıynsha Qazaqstannyń jalpy ishki óniminiń qurylymynda kreatıvti ındýstrııanyń úlesi - 2,67 paıyz», - dedi Altaı Kólginov.
