Kreatıvti ekonomıka tujyrymdamasyn ázirleýge belsendi atsalysamyz - Aqtoty Raıymqulova

NUR-SULTAN. QazAqparat – Mádenıet jáne sport mınıstrligi salany damytýǵa baǵyttalǵan «El rýhy» atty ulttyq joba ázirlep jatyr, dep habarlaıdy QazAqparat tilshisi.

Bul týraly Mádenıet jáne sport mınıstri Aqtoty Raıymqulova el aldyndaǵy esebinde aıtty.

Mınıstr sońǵy kezde kreatıvti kontent arqyly qazaq mádenıetin belsendi tanytyp júrgen qazaqstandyqtardyń kóbeıgenin atap ótti.

«Ulttyń, ishki sondaı-aq, syrtqy ekonomıkalyq jáne áleýmettik kúızelisterine ıdeologııalyq ımmýnıtet qalyptastyrýda mádenıet mıssııasy erekshe mánge ıe bolýǵa tıis. Osyǵan baılanysty úzdik halyqaralyq táirıbege súıene otyryp mınıstrlik jergilikti atqarýshy organdarmen birge «El rýhy» ulttyq jobasyn ázirlep bekitedi», - degen vedomstvo basshysy BUU-nyń Bas assambleıasy 2021 jyldy Halyqaralyq turaqty damýdyń kreatıvti ekonomıka jyly dep jarııalaǵanyn eske saldy.

«Qazaqstanda sapaly kreatıvti ónim jasap jatqan azamattar sany artyp keledi. Qazaqstandyqtar mýzyka, kınorejıssýra jáne medıa kontent jasaý sııaqty salalarda erekshe tabys kórsetýde. Jalpy alǵanda keratıvti ındýstrııa el ekonomıkasyn damytý úshin ǵana emes, qazaqstandyq mádenıetti halyqaralyq ilgeriletýde, jastardyń ózin-ózi tanytý baǵytynda da joǵary áleýetke ıe. Búgingi tańda Memleket basshysynyń tapsyrmasy boıynsha «Qazaqstan Respýblıkasynda kreatıvti ekonomıkany damytý» tujyrymdamasyn ázirleý boıynsha jumys júrgizilýde. Kreatıvti ındýstrııanyń negizgi baǵyttary mádenıet jáne óner salasyn qamtıtynyn eskere otyrypy, mınıstrlik tujyrymdyq tásilderdi ázirleýge belsendi atsalysady», - deıdi Mádenıet jáne sport mınıstri.