Kreatıvti ındýstrııaǵa arnalǵan QazaqCreative platformasy iske qosyldy
ASTANA. KAZINFORM – Qazaqstanda kreatıvti ındýstrııa ókilderine arnalǵan biryńǵaı QazaqCreative tsıfrlyq platformasy iske qosyldy.
Mádenıet jáne aqparat mınıstrliginiń qoldaýymen Kreatıvti ındýstrııalardy damytý qory QazaqCreative biryńǵaı tsıfrlyq platformasyn iske qosty. Jańa tsıfrlyq platforma kreatorlarǵa memlekettik qoldaý tetikterin bir júıe arqyly paıdalanýǵa múmkindik beredi.
Platforma jeke jáne zańdy tulǵalardyń paıdalanýyna arnalǵan. Olardyń qatarynda avtorlar, dızaınerler, sýretshiler, fotograftar, mýzykanttar, qolónershiler jáne ózge de kreatorlarmen qatar, shyǵarmashylyq stýdııalar, birlestikter, agenttikter, prodıýserlik ortalyqtar men kreatıvti ındýstrııa salasynda jumys isteıtin uıymdar bar.
Endi kreatıvti ındýstrııa ókilderi www.qazaqculture.com portalyndaǵy QazaqCreative bólimi arqyly tirkelip, jeke kabınetin ashyp, platformadaǵy tsıfrlyq servısterdi paıdalana alady.
Tirkeýden ótken paıdalanýshylar óz profılin basqarýǵa, jobalary men kórsetetin qyzmetteri týraly aqparat ornalastyrýǵa, habarlamalar alýǵa jáne memlekettik qoldaý baǵdarlamalaryna qatysýǵa ótinim beredi.
QazaqCreative platformasynda grant baǵdarlamalary, jobalardy qarjylandyrý tetikteri, bilim berý jáne akseleratsııalyq baǵdarlamalar, konsýltatsııalyq, saraptamalyq, aqparattyq ári tsıfrlyq qoldaý quraldaryna deıingi aqparat usynylady. Sondaı-aq paıdalanýshylar baıqaýlarǵa, pıtchıng sessııalaryna, forýmdarǵa, kórmelerge jáne ózge de salalyq is-sharalarǵa qatysa alady.
Platformaǵa tirkelý úshin www.qazaqculture.com portalyndaǵy QazaqCreative bólimine ótip, tirkeý nysanyn toltyryp, qajetti málimetti engizý qajet. Moderatsııadan ótkennen keıin paıdalanýshynyń jeke kabıneti ashylady.
Platforma elimizdegi kreatorlardyń ónimderi men qyzmetterine qyzyǵýshylyq tanytqan kópshilikke de arnalǵan.
QazaqCreative platformasy Qazaqstannyń kreatıvti ekonomıkasynyń jetildirýdegi biregeı bastama bolmaq. Aldaǵy ýaqytta Kreatıvti ındýstrııalardy damytý qory elimizdegi kreatorlardy qoldaý, shyǵarmashylyq kásipkerlikti damytý, saladaǵy jobalardy ilgeriletý jáne ulttyq kreatıvti ındýstrııanyń básekege qabilettiligin arttyrý baǵytyndaǵy jumystardy jalǵastyrady.
Aıta ketelik Qazaqstan men Ońtústik Koreıa kreatıvti ındýstrııany birge damytatyny týraly jazǵan edik.
