Kraıstcherch meshitinde terraktiden zardap shekkender qajylyqqa barady

NUR-SULTAN. QazAqparat - Shehadeh Al-Sınavı – Jańa Zelandııada Kraıstcherch meshitine jasalǵan shabýyl kezinde jaraqat alǵandardyń biri, dep habarlaıdy euronews.com.

Ol 200 adamnan quralǵan toppen birge Saýd Arabııasy koroliniń shaqyrtýymen Mekkege qajylyqqa barady. Koroldik bıligi málim etkendeı, bul bastama – «barlyq dinı ilimge qaıshy keletin jan túrshigerlik lańkestik áreketterden zardap shekken otbasylardy qoldaýǵa jáne terrorızmmen kúreske qosqan úles». Shaqyrylǵandardyń barlyǵy Saýd Arabııasy esebinen barlyq qajetti dúnıelermen qamtamasyz etiledi.

«Biz ýaqytsha bolsa da oq atqan jerden alys jaqqa ketkimiz keldi. Soǵan qaramastan, Mekke sııaqty qasıetti orynnan tabylǵanymyz úlken jubanysh», - dedi Al-Sınavı.

2019 jyldyń 15 naýryzynda Kraıstcherch meshitine jasalǵan shabýyldan 50-den astam adam qaza taýyp, ondaǵany jaraqat aldy. Lańkestikten zardap shekken otbasylardy qabyldaǵan Saýd Arabııasy barlyq qajetti dúnıelermen, sonyń ishinde qajylyq jasaýǵa arnalǵan arnaıy kıimdermen qamtamasyz etýge ýáde etti.

Bıyl Mekkege 2 mln adam qajylyq jasaýǵa keledi dep josparlanyp otyr.