Krasnoıarskidegi birneshe adam qaza tapqan tikushaq apatynyń vıdeosy jarııalandy

ASTANA. QazAqparat - Kýágerler tikushaq qulaǵan alǵashqy sekýndtardy vıdeoǵa túsirip alǵan. Áýe kemesi jerge soǵylǵannan keıin aınalany qara tútin basyp ketken. Keıbir málimetterge sáıkes, jarylys eki ret bolǵan. Mashına qırap, túgeldeı órtenip ketken. 

«ıÝTeır» áýe kompanııasynyń baspasóz qyzmetinde málim etkendeı, qulaǵan Mı-8 dál osy kompanııaǵa tıesili bolǵan. Tikushaqtyń qalaǵy basqa ushaqtyń syrtqy aspasyndaǵy júkke soǵylǵan, dep habarlaıdy NTV telearnasy.

Apatqa ushyraǵan Mı-8 tikushaǵynda munaıshylardyń vahtasyna ushyp kele jatqan 15 jolaýshy jáne ekıpajdyń 3 múshesi bolǵan. Ókinishke oraı, barlyǵy qaza tapty. Ekinshi tikushaqtyń ekıpajy zardap shekken joq. Jerge aman-esen qondy.

Eske salaıyq, búgin Krasnoıarski aýmaǵyndaǵy Vankor ken ornynda MI-8 tikushaǵy qulap, 18 adam qaza tapqan edi. Aldyn ala berilgen aqparat boıynsha, tikushaqtyń qulaýyna tehnıkalyq aqaý nemese ushqyshtyń jumys jasaý kezinde jasaǵan qatelikteri sebep bolýy múmkin.