Krasnoıarskide Mı-8 tikushaǵy qulap, 18 adam ajal qushty
MÁSKEÝ. QazAqparat - Krasnoıarski aýmaǵyndaǵy Vankor ken ornynda MI-8 tikushaǵy qulap, 18 adam qaza tapty, dep habarlaıdy RIA Novostı.
TJM-niń málimetinshe, apat jergilikti ýaqyt boıynsha saǵat 10:20-da (Máskeý ýaqytymen 6:20) Igarka eldi mekeninen eki shaqyrym jerde bolǵan.
Tergeý komıteti tikushaqtyń bortynda ekıpajdyń 3 múshesi men 15 vahtashy bolǵanyn jetkizdi. Qaýipsizdik erejeleriniń buzylý baby boıynsha qylmystyq is qozǵaldy.
Tikushaq elsiz jerge qulaǵan. Eki qara jáshik (ushý parametrlerin tirkeý quraly men borttyq sóıleý ózdiginen jazǵysh quraly) tabyldy. Olardyń jaǵdaıy anyqtalýda.
Agenttikpen suhbattasýshy Mı-8 eki shaqyrymdaı ushqannan keıin qulap, órtengenin aıtty.
Jerge soǵylǵan tusta tikushaqtyń eki otyn baǵy atylyp ketken.
Aldyn ala jasalǵan málimetter boıynsha, tikushaqtyń qulaýyna tehnıkalyq aqaý nemese ushqyshtyń jasaǵan qatelikteri sebep bolýy múmkin.
Agenttiktiń derekkózinen belgili bolǵandaı, tikushaq Vankor kompanııasynyń qyzmetkerlerin ákele jatqan. Sonaı-aq, suhbattasýshynyń aıtýynsha, áýe kemesi UTair kompanııasyna tıesili.
Batys Sibir kólik prokýratýrasy apat deregine qatysty áýe kólikteriniń qozǵalysynyń qaýipsizdigi jónindegi zańnamanyń saqtalýy boıynsha tekseris uıymdastyrdy.
Oqıǵa ornyna óńirdiń gýbernatorynyń ýaqytsha mindetin oryndaýshy Aleksandr Ýss ushyp bardy.
Foto: ria.ru
