Krasnoıarskide erkin jáne áıelder kúresinen "Ivan ıArygındi" eske túsirýge arnalǵan halyqaralyq týrnır ótedi

dep habarlaıdy QazAqparat QR Grek-rım, erkin jáne áıelderi kúresi federatsııasynyń ınternet saıtyna silteme jasap.

Dástúrli bul Gran-prı týrnıri qarsańynda komandalardyń birlesken oqý-jattyǵý jıyny ótpek. Qańtardyń 14-i kúni bastalatyn bul sharaǵa jarys qojaıyndarynan basqa, Qazaqstan, Ýkraına, Mońǵolııa jáne taǵy basqa elderdiń balýandary qatyspaq. Áıelder kúresinen ulttyq quramanyń bas bapkeri Sarjan Jaqsybekov bul jıynǵa 12 balýandy shaqyryp otyr. Olardyń arasynda Olımpıada oıyndarynyń qola júldegeri Elena Shalygına (67 kg), Álem chempıonatynyń qola júldegeri Olga Jánibekova (72 kg), Azııa chempıondary Juldyz Eshımova (51 kg) men Tatıana Bakatıýk (51 kg) jáne Azııa chempıonatynyń qola júldegeri Aıym Ábdildına (55 kg) bar. Jarysqa qatysýshylar qańtardyń 28-i medıtsınalyq tekserýden ótip, 29-y kúni áıelder kúresinde 51, 59, 67 keli salmaqtaǵy jeńimpazdardyń esimderi belgili bolady. Al 30-y kúni qalǵan 48, 55, 63 jáne 72 kelidegi balýandardyń júldeleri sarapqa salynady. Erkin kúres sheberleriniń beldesýinde alǵashqy kúni - 55, 66, 74, ekinshi kúni - 60, 84, úshinshi kúni - 96,120 keli salmaqtaǵy jeńimpazdar marapattalatyn bolady.