Krasnoıar ólkesindegi qarý-jaraq qoımasynda jarylys boldy
KRASNOıAR. TASS-QazAqparat - Krasnoıarskiniń Achın aýdanynda ornalasqan áskerı bólimniń aýmaǵynda jarylys bolyp, órt shyqty. Oqıǵa ornyna evakýatsııaǵa arnalǵan avtobýstar jiberildi, dep habarlaıdy TASS agenttigi aýdannyń biryńǵaı kezekshi-dıstepcherlik qyzmetine silteme jasap.
«Evakýatsııa júrip jatyr, men ol jaqty jarylys bolyp, órt shyqqany týraly aqparat aldym. Evakýatsııaǵa avtobýstar jiberildi. Órtengen – áskerı bólim», - dedi agenttikke suhbat berýshi.
TASS agenttigine jedel qyzmet ókili habarlaǵandaı, oqıǵa ornyna aýyrlyǵy boıynsha ekinshi nómirli órt sóndirý qyzmetiniń kúshteri jiberilgen. Jarylys áskerı bólimniń artıllerııalyq qoımasynda bolǵan.
Ázirge belgilisi, №1 Achın aýdanaralyq aýrýhanasynda habarlaǵandaı, snarıad jaryqshaǵy tıgen eki adam aýrýhanaǵa jetkizilgen.
