Krasnoıar ólkesinde eki avtobýs soqtyǵysyp, 11 adam mert boldy
ASTANA. QazAqparat - RF Krasnoıar ólkesiniń ońtústiginde reıstik avtobýs pen shaǵyn avtobýstyń soqtyǵysýy saldarynan 11 adam ajal qushyp, 4 adam aýrýhanaǵa jetkizildi, dep habarlady RIA Novostı, ólkelik ІІM baspasóz qyzmetiniń basshysy Irına Mýjetskaıa.
Apat beısenbide M-54 "Enıseı" tas jolynyń 143-shi shaqyrymynda saǵat tańǵy 4-te oryn aldy. Aldyn ala derekterge súıensek, ishinde 24 jolaýshy bar Hyundai avtobýsy Qyzyldan Krasnoıarskige bara jatqan. Óńirlik ІІM budan buryn qaza bolǵandardyń sanyn 9 dep habarlaǵan.
«Aldyn ala anyqtalǵany, avtobýs qarsy jolaqqa shyǵyp ketip, Lesosıbırsk-Shýshenskoe baǵyty boıynsha bet alǵan Mercedes Benz shaǵyn avtobýsymen soqtyǵysqan. Sońǵysynda bolǵan 11 adam qaza tapqan, onyń ishinde júrgizýshi men taǵy tórt adam aýrýhanaǵa jatqyzyldy», - dedi Mýjıtskaıa. Ol shaǵyn avtobýsta neshe adam bolǵany ázirge anyqtalmaǵanyn atap ótti.
Apat ornyna ІІM ólkelik basqarmasynyń jedel tergeý toby, Jol qozǵalysy qaýipsizdigi memlekettik ınspektsııasynyń basshysy jetti. Oqıǵa ornynda qutqarýshylar men jedel qyzmet jumys júrgizýde.
