Krasnoıar mańyndaǵy tsırkte qabylan áıeldi bas saldy
ASTANA. QazAqparat - Krasnoıar ólkesine qaraıtyn Bogotol qalasynyń turǵyny shapıto tsırkinde qabylan shabýyldaǵan soń, qolynan jaraqat alyp aýrýhanaǵa tústi, dep habarlaıdy Rıa Novostı jergilikti densaýlyq saqtaý mekemesiniń baspasóz qyzmetine silteme jasap.
Jergilikti BAQ pen áleýmettik jelilerde oqıǵanyń arnaıy qoıylymdar kezinde bolǵandyǵy jóninde aqparat júr. Ondaǵy málimetter boıynsha, qabylan ań úıretýshilerdi tyńdamaı kórermender zalyna shyǵyp ketken. Áıel adam óziniń 6 jasar balasyn jyrtqyshtan qorǵamaq bolyp jaraqat alǵan.
Óńirlik polıtsııa qyzmetkerleri agenttik ókilderine oqıǵanyń mán-jaıyn anyqtap jatqandyǵyn aıtty.
«Áıeldiń jaǵdaıy ortasha. Qoly birneshe jerinen tigildi. Krasnoıarsk qalasyna aparýdyń qajeti joq. Qazir ol osy aýrýhanada em alyp jatyr»,-dedi Densaýlyq saqtaý mınıstrliginiń ókili.
Foto: Maksım Blınov
