Krasnoıar kentinde 32 páterli úsh turǵyn úı qalpyna keltirilýde - Aqmola oblysy (FOTO)
KÓKShETAÝ. QazAqparat - Kókshetaýdyń irgesindegi Krasnoıar kentinde 32 páterli úsh turǵyn úı qalpyna keltirilýde. Aqmola oblysynyń ákimi S.Kýlagın jumys babymen atalǵan eldimekende bolyp, osynaý turǵyn úılerdi qalpyna keltirý jumystarymen tanysty.
Qazirgi kezde qurylys jumystary memlekettik-jekemenshik seriktestik sheńberinde qyzý qolǵa alynǵan.
Atalǵan úılerdiń ár bireýi 8 bir páterli, 16 eki páterli jáne 8 bir jarym páterli bolyp keledi. Mundaǵy bir úıdiń qurylysy 70 mıllıon teńgeni qurap otyr. Memlekettik-jekemenshik seriktestiktiń tásili «kommýnaldyq jekemenshik nysandy keıin satyp alatyndaı jalǵa berý bolyp tabylady. Qazirgi kezde, osy baǵytta qalalyq turǵyn úı kommýnaldyq sharýashylyǵy bólimi men ınvestorlar arasynda kelisimshart jasalyndy. Bul úılerdiń úsheýi de jyl sońyna deıin paıdalanýǵa beriledi dep josparlanyp otyr. Mundaǵy páterler úı kezeginde turǵandarǵa, jas jáne áleýmettik jaǵynan az qamtylǵan otbasylarǵa beriletin bolady.
Osy oraıda, aımaq basshysy qala ákiminiń uıytqy bolýymen qolǵa alynǵan atalǵan úılerdi qalpyna keltirý jumystaryna on baǵasyn berip, qajet bolǵan jaǵdaıda qoldaý kórsetetinin atap ótti. Sondaı-aq, merdigerlerge jóndeý jumystaryn sapaly ári kestege saı júrgizýdi tapsyrdy.
