Krasnodarda jolaýshylar ushaǵynyń esigi durys jabylmaı, áýe kemesi apatty jaǵdaıda qondy
ASTANA. 3 aqpan. QazAqparat - Máskeýge ushyp shyqqan Boeing jolaýshylar ushaǵy Krasnodar áýejaıyna apatty jaǵdaıda qaıta qonýǵa májbúr boldy.
Bul týraly reseılik BAQ habarlaýda.
Aqparattarǵa qaraǵanda, ushaq áýege kóterilgennen keıin 2 mınýttan soń, salon esigi durys jabylmaýy saldarynan ushqysh kabınasyndaǵy apattyq dabyl iske qosylǵan. Osydan keıin ekıpaj áýejaıǵa oralýǵa sheshim qabyldady. Oqıǵa sebepteri anyqtalýda, zardap shekkender joq.
