Krasnodarda qyrǵyz ushqyshy ushaqty qurylysy aıaqtalmaǵan ushý jolaǵyna qondyrdy
ASTANA. QazAqparat - Qyrǵyzstan ushqyshy abaısyzda ózi basqarǵan Boeing ushaǵyn Krasnodarda qurylysy aıaqtalmaǵan ushý-qoný jolaǵyna qondyrdy, dep habarlaıdy Ýtro.rý.
«Bazel Aero» kompanııasynyń baspasóz qyzmetinen habarlaǵandaı, áńgime Bishkek-Krasnodar baǵyty boıynsha ushqan Boeing 737-300 týraly bolyp otyr.
Ushaqta 122 adam bolǵan. Olardyń eshqaısysy zardap shekken joq, ushaq shtattyq rejımde qondyryldy. Sol kúni keshke ushaq qaıta Bishkekke ushyp ketken.
Salynyp jatqan ushý-qoný jolaǵyna qonýǵa tyıym salatyn arnaıy belgiler bolǵan. Oqıǵany tergeý Qyrǵyzstannyń avıatsııalyq bılik kózderine tapsyryldy.
