Krasnodarda kópqabatty úıdiń qabyrǵasy qulady
ASTANA. QazAqparat - Reseıdiń Krasnodar qalasynda kópqabatty turǵyn úıdiń eki qabatynyń qabyrǵasy qulady. Oqıǵaǵa gaz ballonynyń jarylýy sebepshi bolǵan. Zardap shekkenderdiń sany alty adamǵa jetti. Bul týraly reseılik TASS agenttigi habarlaıdy.
«Qazir jaraqat alǵan 6 adam aýrýhanaǵa jatqyzyldy. Olardyń ishinde 2 bala bar. Zardap shekkenderdiń jaraqattary aýyr emes», - deıdi agenttikke aqparat bergen adam.
«Saǵat 10:20-da jarylys týraly aqparat tústi. Qabyrǵa birneshe jerden qulap, shatyr bólikteri qırady. Órt shyqqan joq. Tórtinshi besinshi qabat aralyǵyndaǵy baspaldaq alańshasy búlindi. Adam ólimi tirkelgen joq»,-dep habarlaıdy jergilikti TJM baspasóz qyzmeti.
Qazir jaýapty oryndar búlingen ǵımaratty tolyq tekserýden ótkizý úshin «Strela» mobıldi dıagnostıkalyq arnaıy keshenin jibergeli jatyr.
Sonymen birge ballonnyń jarylýyna jol berý faktisi boıynsha da tergeý jumystary bastalyp ketti.
