Krakovta 11 qarashaǵa deıin aza tutý jarııalandy
ASTANA.KAZINFORM — Polshanyń Krakov qalasynda Bas bazar alańynda bolǵan atystan alty adam qaza tabýyna baılanysty 11 qarashaǵa deıin aza tutý jarııalandy, dep habarlaıdy TASS.
Bul týraly qala ákimi Lýkash Gıbala H áleýmettik jelisinde málimdedi.
— Men jańa ǵana 11 qarashaǵa deıin aza tutý jarııalaý týraly ókimge qol qoıdym, — dep jazdy qala basshysy.
Sońǵy málimet boıynsha, shabýyl saldarynan qaza tapqandar sany alty adamǵa jetken. Taǵy 12 zardap shekken adam aýyr halde jatyr.
Atys 7 qarasha kúni jergilikti ýaqyt boıynsha saǵat 15:00 shamasynda Krakovtyń Bas bazar alańynda bolǵan. Agenttiktiń málimetinshe, kamýflıaj kıimindegi 25 jastaǵy Polsha azamaty memlekettik nómiri joq «Sýbarý» kóliginen kezdeısoq ótip bara jatqan adamdarǵa oq atqan.
Ustaý kezinde shabýyl jasaǵan azamat oq jaraqatyn alyp, aýrýhanaǵa jetkizildi.
Buǵan deıin Polsha premer-mınıstri Donald Týsk Krakov ortalyǵyndaǵy atysty terakt dep ataǵany habarlanǵan edi. Úkimet basshysy polıtsııa oqıǵanyń barlyq mán-jaıyn tergep jatqanyn málimdedi.