Krakov qalasynyń ortalyǵynda atys bolyp, eki adam qaza tapty

ASTANA.KAZINFORM — Polshanyń Krakov qalasynyń ortalyǵynda atys bolyp, saldarynan eki adam qaza tapty, taǵy 10 adam jaraqat aldy. Zardap shekkenderdiń arasynda eki polıtsııa qyzmetkeri bar, dep habarlaıdy RMF24.

Krakov qalasynyń ortalyǵynda atys bolyp, eki adam qaza tapty
Foto: PAP/Art Service

Oqıǵa 7 qarashada bolǵan. Oqıǵa ornyna shuǵyl qyzmet ókilderi jetken. Zardap shekkenderdi evakýatsııalaý úshin sanıtarlyq avıatsııa tikushaǵy jumyldyryldy.

Polsha buqaralyq aqparat quraldarynyń málimetinshe, atys jasady degen kúdikti ustaldy.

Oqıǵaǵa Polshanyń premer-mınıstri Donald Týsk pikir bildirdi. Onyń aıtýynsha, ol Іshki ister mınıstrimen turaqty baılanysta bolyp, jaǵdaı týraly jedel aqparat alyp otyr.

Úkimet basshysy polıtsııa oqıǵanyń mán-jaıy men shabýyldyń yqtımal sebepterin anyqtap jatqanyn atap ótti.

Zardap shekkenderdiń jaǵdaıy men atystyń sebepteri týraly aqparat naqtylanyp jatyr.

Buǵan deıin Polshada memlekettik tóńkeris týraly habarlar tarap jatqany týraly jazǵan edik.