Kraken halyqaralyq krıptoplatformasy Qazaqstannyń tsıfrlyq aktıvter naryǵyna shyǵyp jatyr

Kezdesý barysynda taraptar tsıfrlyq aktıvter naryǵyn damytý perspektıvalaryn, zamanaýı qarjylyq tehnologııalardy engizýdi, retteý tásilderin jetildirýdi, sondaı-aq Qazaqstannyń tsıfrlyq ekonomıkasynda halyqaralyq tájirıbeni qoldaný múmkindikterin talqylady.

Kezdesý qorytyndysy boıynsha Jasandy ıntellekt jáne tsıfrlyq damý mınıstrligi men Kraken Qazaqstanda tsıfrlyq aktıvter naryǵyn damytýǵa jáne blokcheın-tehnologııalardy engizýge baǵyttalǵan Yntymaqtastyq týraly memorandýmǵa qol qoıdy.

Taǵy bir mańyzdy oqıǵa – Kraken kompanııasynyń «Astana» halyqaralyq qarjy ortalyǵynyń qarjylyq qyzmetterdi retteý jónindegi komıtetinen (AFSA) aldyn ala maquldaý (In-Principle Approval) alýy boldy.

Atalǵan maquldaý lıtsenzııalaý rásiminiń negizgi kezeńderiniń biri bolyp sanalady jáne belgilengen talaptar oryndalǵannan keıin kompanııanyń AHQO-nyń retteletin ıýrısdıktsııasynda qyzmetin bastaýyna alǵysharttar jasaıdy.

Aldyn ala maquldaýdyń alynýy iri halyqaralyq krıptoplatformalardyń biriniń Qazaqstan naryǵyna shyǵýǵa múddeli ekenin rastaıdy jáne eldegi tsıfrlyq aktıvter ındýstrııasyn odan ári damytý úshin jańa múmkindikter ashady.

Qol qoıylǵan Memorandým tsıfrlyq aktıvterdi retteýdi jetildirý, tsıfrlyq qarjy naryǵyn damytý, dástúrli bank ınfraqurylymyn tsıfrlyq aktıvter naryǵymen ıntegratsııalaý, blokcheın-tehnologııalardy engizý, sondaı-aq bilim berý bastamalaryn iske asyrý jáne halyqtyń qarjylyq saýattylyǵyn arttyrý máseleleri boıynsha ózara is-qımyldy kózdeıdi.

Qazaqstannyń óńirlik krıptohab retindegi ustanymyn nyǵaıtý jáne tsıfrlyq aktıvter ındýstrııasynyń jetekshi halyqaralyq qatysýshylaryn tartý úshin qolaıly jaǵdaılar jasaý maqsatynda AHQO-men ózara is-qımylǵa erekshe nazar aýdarylady.

– Kraken sııaqty iri halyqaralyq kompanııalardyń Qazaqstan naryǵyna shyǵýy otandyq tsıfrlyq aktıvter ındýstrııasyn damytýdaǵy mańyzdy qadam bolyp tabylady. Bizdiń mindetimiz – halyqaralyq kompanııalar ozyq tehnologııalyq sheshimderdi engize alatyn, al azamattar men bıznes zamanaýı qarjylyq qyzmetterge qol jetkizetin ashyq, básekege qabiletti jáne qaýipsiz orta qalyptastyrý. Kraken kompanııasymen Memorandýmǵa qol qoıý halyqaralyq tájirıbe almasýǵa, blokcheın-tehnologııalardy damytýǵa jáne Qazaqstannyń óńirlik krıptohab retindegi ustanymyn nyǵaıtýǵa qosymsha múmkindikter ashady, – dep atap ótti Qazaqstan Respýblıkasynyń Jasandy ıntellekt jáne tsıfrlyq damý vıtse-mınıstri Ǵızzat Baıtursynov.

– Qazaqstan tsıfrlyq aktıvter ındýstrııasyn damytý úshin eleýli áleýetke ıe ekenin kórsetip, naryqtyń halyqaralyq qatysýshylary úshin qolaıly jaǵdaılar qalyptastyryp jatyr. AFSA-nyń aldyn ala maquldaýyn alý Payward (Kraken kompanııasynyń bas kompanııasy) kompanııasynyń Qazaqstan naryǵyna shyǵý jolyndaǵy mańyzdy kezeń bolyp tabylady. Biz memlekettik organdarmen syndarly dıalogty joǵary baǵalaımyz jáne tsıfrlyq aktıvterdiń qaýipsiz, ashyq ári ınnovatsııalyq ekojúıesin damytý baǵytyndaǵy odan ári yntymaqtastyqqa senim artamyz, – dep atap ótti Payward (Kraken) kompanııasynyń teń bas atqarýshy dırektory Devıd Rıplı.

Qazaqstan Respýblıkasynyń Jasandy ıntellekt jáne tsıfrlyq damý mınıstrligi tsıfrlyq aktıvter ındýstrııasyn damytý úshin qolaıly retteýshilik jáne tehnologııalyq orta qalyptastyrý, naryqtyń halyqaralyq qatysýshylaryn tartý jáne el ekonomıkasynda blokcheın-tehnologııalardy praktıkalyq qoldaný aıasyn keńeıtý jónindegi jumysty jalǵastyrady.

Aıta keteıik, Kraken – 2011 jyly AQSh-ta qurylǵan álemdegi eń iri halyqaralyq krıptoplatformalardyń biri. Kompanııa jeke jáne ınstıtýtsıonaldyq klıentterge tsıfrlyq aktıvterdi satyp alý, satý, saqtaý jáne saýdalaý qyzmetterin usynady.

Kraken platformasyn Payward kompanııalar toby basqarady jáne ol Soltústik Amerıka, Eýropa jáne basqa da óńirlerdiń naryqtarynda jumys isteıdi. Platforma tsıfrlyq aktıvter men fıattyq valıýtalardyń keń aýqymyn qoldaıdy, sondaı-aq kásibı saýda jáne ınstıtýtsıonaldyq qyzmetterdi usynady.

Qazaqstanda 2027 jylǵy 1 shildege deıin Ulttyq krıptovalıýtany taldaý júıesin qurý josparlanyp otyrǵanyn jazǵan edik.