QR jýrnalısteri arasyndaǵy 2011 jylǵy 7-shi Qysqy Azııa oıyndaryna arnalǵan respýblıkalyq konkýrs jarııalandy
ASTANA. Tamyzdyń 11-i. QazAqparat - «2011 jylǵy 7-shi Qysqy Azııa oıyndaryn uıymdastyrý komıtetiniń atqarýshy dırektsııasy» AQ men Qazaqstan Baspasóz klýby 2011 jylǵy 7-shi Qysqy Azııa oıyndaryna arnalǵan QR jýrnalısteri arasyndaǵy respýblıkalyq konkýrstyń bastalǵandyǵy týraly habarlaıdy.
Baıqaýdyń negizgi maqsaty - 2011 jylǵy 7-shi qysqy Azııa oıyndarynyń Qazaqstan Respýblıkasy úshin alatyn orny men mańyzyn respýblıkalyq BAQ betterinde jarııalaýǵa kómektesý.
Konkýrs úsh atalymmen Qazakstan Respýblıkasy BAQ jýrnalısteriniń arasynda ótkiziledi:
- BAQ basylymdaryndaǵy úzdik materıal (1, 2 jáne 3 oryn);
- úzdik TV materıal (1, 2 jáne 3 oryn);
- Internet BAQ-taǵy úzdik materıal (1, 2 jáne 3 oryn).
Konkýrs jenimpazdary qorytyndylar shyǵarylǵannan keıin Astana qalasynda tanymal sportshylar, memlekettik qaıratkerler jáne BAQ ókilderiniń qatysýmen ótetin saltanatty rásimde baǵaly júldeler alady.
Konkýrsqa qatysatyn barlyq materıaldar 2010 jylǵy qarashanyń 15-inen keshiktirilmeı Konkýrs uıymdastyrýshylaryna kelip túsýi tıis. Kórsetilgen merzimnen keıin kelip túsken barlyq qujattar men konkýrstyq jumystar qabyldanbaıdy.
Konkýrs týraly ereje myna saıttarda ornalastyrylǵan: www.astana-almaty2011.kz, www.pressclub.kz .
Konkýrs ótkizý máseleleri boıynsha túsiniktemeler men anyqtamalardy Qazaqstan Baspasóz klýbynda alýǵa bolady, baılanys telefondary: 8 (727) 264 67 58, 264 67 37, pr2@pressclub.kzz, info@pressclub.kz
