QR Joǵary sotyna eki sýdıa usynyldy
Atap aıtqanda, QR Joǵary sotyna sýdıa retinde Gúlmıra Júsipbekova men Asqarjan Kenjeǵarın usynyldy. QR Prezıdenti usynǵan kandıdattardy QR Joǵary sotynyń ókili Ádil Qyryqbaev tanystyrdy.
«Gúlmıra Qoqanqyzy Júsipbekova búgingi tańda Astana qalalyq sotynda jumys atqarady. Sot salasynda 20 jyldyq tájirıbesi bar. Al Asqarjan Qapezuly Kenjeǵarın qazirgi tańda Astana qalalyq sotynyń qylmystyq ister jónindegi appelıatsııalyq sot alqasynyń tóraǵasy. 25 jyl sot salasynda eńbek etken. Eńbek jolyn Aıagóz aýdandyq sotynda sýdıa bolyp bastaǵan. Eki úmitkerdiń úlken tájirıbesi bar. Ózderin bilikti sýdıa retinde kórsete bilip, zańgerlerdiń joǵary baǵasyna ıe bolǵan», - deıdi Ádil Qyryqbaev.
Konstıtýtsııalyq zańnama, sot júıesi jáne quqyq qorǵaý organdary komıteti usynylǵan úmitkerlerdi QR Joǵary sotynyń sýdıasy retinde saılaý týraly máseleni Senattyń plenarlyq otyrysynda talqylaý týraly sheshim shyǵardy.
