QR Joǵary Sot keńesi 25 sýdıany qyzmetinen bosatýdy usyndy
«20 jeltoqsanda Joǵary Sot keńestiń kezekti otyrysy ótti. Otyrysta keńes bos sýdıa laýazymdaryna ornalasýǵa jarııalanǵan konkýrstyń qorytyndysyn shyǵardy, tıisti sýdıalarynyń bos oryndaryna 46 kandıdat usynyldy.
Sonymen qatar, Qazaqstan Respýblıkasy sottarynyń 25 tóraǵasy men sýdıasyn túrli sebeptermen qyzmetinen bosatý týraly usynymdar qabyldandy», delingen habarlamada.
Keńes otyrysynda sondaı-aq Joǵarǵy sot janyndaǵy Sot tóreliginiń sapasy jónindegi komıssııa men Joǵary Sot keńesi janyndaǵy Sot jıýrıiniń sheshimderine 11 sýdıanyń shaǵymy qaraldy. Olardy qaraý nátıjeleri boıynsha bir sýdıanyń shaǵymy qanaǵattandyrylyp, atalǵan organdardyń 10 sýdıaǵa qatysty sheshimi óz kúshinde qaldyryldy.
«Budan basqa, Joǵary Sot keńesi 26 jergilikti sottyń shtat qurylymyn ózgertýge, zeınetkerlik jasqa tolǵan eki sýdıanyń qyzmetinde bolý merzimin uzartýǵa kelisim berdi», delingen habarlamada.
Keńes otyrysynda sondaı-aq Joǵary Sot keńesiniń qyzmetine qatysty uıymdastyrý máseleleri qaraldy, onyń ishinde Keńestiń 2020 jylǵa arnalǵan Jumys jospary bekitildi.
