QR joǵary oqý oryndaryndaǵy daıyndyq bólimderiniń qyzmetin uıymdastyrý qaǵıdasy bekitildi

Qazaqstan Respýblıkasy Bilim jáne ǵylym mınıstriniń
2011 jylǵy 30 jeltoqsandaǵy № 554 buıryǵymen bekitilgen

QR joǵary oqý oryndaryndaǵy daıyndyq bólimderiniń qyzmetin uıymdastyrý qaǵıdasyn bekitý týraly

«Bilim týraly» Qazaqstan Respýblıkasy Zańynyń 5-babynyń 25-1) tarmaqshasyna sáıkes jáne joǵary oqý oryndarynyń daıyndyq bólimderiniń qyzmetin basqarý men úılestirýdi júzege asyrý úshin buıyramyn:
1. Qosa berilip otyrǵan Qazaqstan Respýblıkasynyń joǵary oqý oryndaryndaǵy daıyndyq bólimderiniń qyzmetin uıymdastyrý qaǵıdasy bekitilsin.
2. Joǵary jáne joǵary oqý ornynan keıingi bilim departamenti (J.Q. Shaımardanov):
1) osy buıryqtyń belgilengen tártipte Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıtse-mınıstri M.Q.Orynhanovqa júktelsin.
4. Osy buıryq alǵash ret resmı jarııalanǵan keıin kúntizbelik on kún ótken soń qoldanysqa engiziledi.

Mınıstr B.JUMAǴULOV.

Qazaqstan Respýblıkasy Bilim jáne ǵylym mınıstriniń
2011 jylǵy 30 jeltoqsandaǵy № 554 buıryǵymen bekitilgen

Qazaqstan Respýblıkasynyń joǵary oqý oryndaryndaǵy daıyndyq bólimderiniń qyzmetin uıymdastyrý qaǵıdasy

1. Jalpy erejeler
1. Joǵary oqý oryndarynyń daıyndyq bólimderi «Bilim týraly» Qazaqstan Respýblıkasynyń Zańyna sáıkes Qazaqstan Respýblıkasy azamattarynyń, sheteldikterdiń jáne Qazaqstan Respýblıkasynda turatyn azamattyǵy joq adamdardyń jalpy bilim daıyndyǵynyń deńgeıin arttyrý, Qazaqstan Respýblıkasynyń joǵary oqý oryndaryna (budan ári - JOO) jáne tehnıkalyq jáne kásiptik bilim berý uıymdaryna oqýǵa túsý úshin uıymdastyrylady.
2. Daıyndyq bólimi tyńdaýshylarynyń kontıngentin qalyptastyrý memlekettik bilim berý tapsyrysyn ornalastyrý, sondaı-aq azamattardyń óz qarajaty esebinen oqýdyń tólemaqysyn tóleý arqyly júzege asyrylady.
2. Joǵary oqý oryndaryndaǵy daıyndyq bólimderiniń qyzmetin uıymdastyrý tártibi
3. JOO-lardyń daıyndyq bólimderiniń qyzmetin uıymdastyrý tártibi JOO-lardyń daıyndyq bólimderiniń tyńdaýshylaryn qabyldaýdy, oqytýdy jáne oqýdan shyǵarýdy qamtıdy.
4. JOO-lardyń daıyndyq bólimderinde oqytý úshin Qazaqstan Respýblıkasynyń azamattaryn qabyldaýdy Qazaqstan Respýblıkasynyń JOO-lary júrgizedi.
5. JOO-lardyń daıyndyq bólimderine túsý úshin Qazaqstan Respýblıkasynyń azamattary JOO-lardyń qabyldaý komıssııalaryna mynadaı qujattardy usynady:
1) erkin túrde jazylǵan qabyldaý týraly ótinish;
2) orta (jalpy orta), bastapqy kásiptik (tehnıkalyq jáne kásiptik), orta kásiptik (orta bilimnen keıingi) nemese joǵary bilimi týraly qujattyń túpnusqasy jáne oǵan qosymsha;
3) jeke basyn kýálandyratyn qujattyń kóshirmesi;
4) 3h4 kólemindegi 6 fotosýret;
5) Qazaqstan Respýblıkasynyń Ádilet mınıstrliginde 2010 jylǵy 21 jeltoqsanda № 6697 tirkelgen Qazaqstan Respýblıkasynyń Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵymen (budan ári - Buıryq) bekitilgen 086-Ý nysanyndaǵy medıtsınalyq anyqtama.
6. JOO-lardyń daıyndyq bólimderine túsý úshin sheteldikter men azamattyǵy joq tulǵalar mynadaı qujattardy usynady:
1) erkin túrde jazylǵan qabyldaý týraly ótinish;
2) bilim týraly qujattyń jáne oǵan qosymshanyń memlekettik jáne/nemese orys tilindegi notarıaldy rastalǵan (nemese Qazaqstan Respýblıkasynyń shetelderdegi mekemelerimen kýálandyrylǵan) aýdarmasy;
3) bilim týraly qujat ıesiniń jeke basyn kýálandyratyn qujattyń kóshirmesi;
4) 3h4 kólemindegi 6 fotosýret;
5) Buıryqpen bekitilgen 086-Ý nysanyndaǵy medıtsınalyq anyqtama.
7. Sheteldik bilim berý uıymdary bergen bilim týraly qujattar azamattar oqýǵa qabyldanǵannan keıin Qazaqstan Respýblıkasynyń Ádilet mınıstrliginde 2008 jylǵy 14 aqpanda № 513 tirkelgen Qazaqstan Respýblıkasy Bilim jáne ǵylym mınıstriniń 2008 jylǵy 10 qańtardaǵy № 8 buıryǵyna sáıkes nostrıfıkatsııa rásiminen ótedi.
8. Memlekettik bilim berý tapsyrysy boıynsha oqýǵa qabyldaý keshendi testileý nátıjeleri boıynsha konkýrstyq negizde júzege asyrylady.
9. Daıyndyq bólimine qaıta oqýǵa qabyldaý aqyly negizde júzege asyrylady.
10. Keshendi testileý eki pán boıynsha júrgiziledi: «Qazaq tili» nemese «Orys tili» (oqý tili) jáne «Matematıka».
11. Memlekettik tildi nemese orys tilin bilmeıtin sheteldikterdi keshendi testileý aǵylshyn tilinde júzege asyrylady.
12. Ár pán boıynsha test tapsyrmalarynyń sany - 25. Árbir test tapsyrmasyna berilgen durys jaýap bir balmen baǵalanady. Keshendi testileýdiń uzaqtyǵy - 1 saǵat 30 mınýt.
Túsý emtıhandarynyń nátıjeleri ótkizilgen kúni habarlanady. Testileýdi qaıta tapsyrýǵa jol berilmeıdi.
13. Keshendi testileýge kelgen talapker jeke kýáligin (tólqujatyn) kórsetýi tıis.
14. Testileý nátıjelerimen kelispegen azamat apellıatsııaǵa ótinish bere alady.
Apellıatsııalyq komıssııa árbir bazalyq JOO-da qurylady. Test tapsyrmalarynyń mazmuny boıynsha talas týdyratyn suraqtardy respýblıkalyq apellıatsııalyq komıssııa qarastyrady.
15. Keshendi testileý nátıjelerin Komıssııa qaraıdy. Onyń quramyn bilim berý salasyndaǵy ýákiletti organ bekitedi.
Komıssııa bilim berý salasyndaǵy ýákiletti organnyń, basqa da múddeli memlekettik organdardyń, vedomstvolar men qoǵamdyq uıymdardyń qyzmetkerlerinen qurylady.
16. Keshendi testileý nátıjesinde jınalǵan baldar sany teń bolǵan jaǵdaıda attestattaǵy ortasha baly anaǵurlym joǵary úmitkerge basymdyq beriledi.
17. Komıssııa sheshimi bilim berý salasyndaǵy ýákiletti organnyń buıryǵymen bekitiledi jáne konkýrstyq irikteýden ótken sheteldikter men azamattyǵy joq tulǵalardyń nazaryna jetkiziledi.
18. Azamattardy aqyly negizde oqýǵa qabyldaýdy JOO-lar derbes túrde júzege asyrady.
19. JOO-lar tyńdaýshylardy oqýǵa qabyldaǵan kúninen bastap on jumys kúni ishinde qabyldaý týraly buıryqtyń kóshirmesin bilim berý salasyndaǵy ýákiletti organǵa usynady.
20. Daıyndyq bólimderinde oqý kúndizgi oqý nysany boıynsha júzege asyrylady. Sabaqtar 1 qazannan bastalady. Oqytý merzimi 9 aıdy quraıdy.
21. Daıyndyq bólimderinde oqý protsesin uıymdastyrý JOO-larmen ázirlengen jáne bekitilgen oqý jumys josparlary men oqý jumys baǵdarlamalaryna sáıkes júzege asyrylady.
22. JOO daıyndyq bólimderiniń tyńdaýshylaryn oqýdan shyǵarý úshin mynadaı negizderge súıenedi:
1) tyńdaýshynyń óz erkimen oqýdan shyǵýy týraly ótinishi;
2) JOO-nyń ishki tártibin buzýy.
Tyńdaýshyny JOO-dan shyǵarý rektordyń buıryǵymen rásimdeledi, kóshirmesi oqýdan shyqqan kúninen bastap úsh jumys kúni ishinde bilim berý salasyndaǵy ýákiletti organǵa jiberiledi.
23. Daıyndyq bólimi tyńdaýshylarynyń bilim jetistikterin baǵalaýdy JOO-lar testileý nysanynda júrgizedi.
24. JOO-lar jyl saıyn 15 shildeden keshiktirmeı bilim berý salasyndaǵy ýákiletti organǵa daıyndyq bólimderiniń jumysy týraly qorytyndy esep beredi.
25. JOO-lar daıyndyq bólimderi tyńdaýshylarynyń statıstıkalyq jáne pasporttyq esebin júrgizedi.

Buıryq Qazaqstan Respýblıkasynyń Ádilet mınıstrliginde 2012 jylǵy 2 aqpanda Normatıvtik quqyqtyq kesimderdi memlekettik tirkeýdiń tizilimine №7406 bolyp engizildi.