QR Joǵarǵy sotynyń tóraǵasy vırtýaldy sottar qurmaq
«Oılap kórińizdersh, bir mınýttyń ishinde kompıýter barlyq sot tájirıbesi men zańdardy óńdep shyǵyp, árbir sýdıaǵa qajetti usynysty beredi. Biz ІT-tehnologııalardyń múmkindigin árbir sýdıa paıdalana alatyndaı múmkinshilik jasaýǵa tıispiz. Árıne, bizder úshin ol qııal-ǵajaıyp sııaqty. Biraq, taıaý aralyqta bul shyndyqqa aınalady. Aldaǵy 2-3 jyldyń ishinde vırtýaldy sottar qurý mindetin qoıamyz. Onda protseske qatysýshylardyń barlyǵyn sot zalyna jınaýdyń qajettiligi bolmaı qalady. Olardyń qaı-qaısysy da úıinde otyryp, shetelden protseske qatysa alatyn bolady», - dedi Joǵarǵy sot tóraǵasy.
Sonymen qatar ol ІT-ınfraqurylymy bar bolsa da sýdıalardyń qaǵazbastylyqtan áli kúnge aryla almaı otyrǵandyǵyn synady.
«Birinshiden kompıýtermen jumys istegimiz kelmeıdi. Ekinshiden kompıýterlik saýat tómen. Úshinshiden, ІT-servıs múmkindikterin az aıtamyz. Tórtinshiden, tehnıkalyq quraldar joq. Besinshiden, ınternet jyldamdyǵy tómen jáne joq ta. Basty problema - sýdıalardyń ózderi. Shyndyǵyn aıtqanda, qaǵazǵa úırenip alǵanbyz. Men de qaǵazdy jaqsy kórem. Biraq, qazir meniń ótinishimmen jalpy bólim maǵan birneshe tapsyrma júktedi. Olar meni myqtap qolǵa aldy jáne taıaý aralyqta tipti tabandy túrde talap etsem de qujattardy qaǵaz kúıinde ákelmeýge ýáde berdi», - dedi Jaqyp Asanov.
Keńeıtilgen keńeste QR Joǵarǵy sotynyń tóraǵasy sot júıesinde eshqandaı reforma jasamaıtyndyǵyn málim etti. Sonymen qatar ol, daýdy sotqa jetkizip, aıqaı-shýmen sheshkisi keletinder kóbeıip ketkenin aıtyp, bitimgerlik mádenıetiniń kerektigin aıtty.
