QR Joǵarǵy sotynyń tóraǵasy azamattardyń quqyǵyn buzý máselesi boıynsha mán-jaıdy anyqtap, tıisti sharalardy qolǵa alýdy tapsyrdy
ASTANA. 6 maýsym. QazAqparat - QR Joǵarǵy sotynyń tóraǵasy Bektas Beknazarov kezekti azamattardyń qabyldaýyn ótkizip, 20 adamdy jeke qabyldady,
dep habarlaıdy QR Joǵarǵy sotynyń baspasóz qyzmeti.
Azamattar qylmystyq istermen qatar, azamattyq ister boıynsha týyndaǵan máselelerin aıtty. Olar negizinen sot aktileri men zańnamany túsindirýge qatysty shaǵymdaryn bildirdi. B.Beknazarov barlyq azamattardyń aryz-shaǵymdary men usynystaryn nazar salyp tyńdady.
Sot tóraǵasy árbir isti taǵy da qarap, azamattardyń quqyǵy buzylǵan jaǵdaıda qajetti sharalardy qolǵa alýdy tapsyrdy.
