QR Joǵarǵy sotynyń tóraǵasy azamattardy qabyldaý júrgizdi
ASTANA. Qazannyń 7-si. QazAqparat - QR Joǵarǵy sotynyń tóraǵasy Musabek Álimbekov azamattardy qabyldaý júrgizdi. Qaralǵan másele negizinen sot aktilerine shaǵym berý jáne zańnamany túsindirýge qatysty boldy,
dep habarlaıdy QR Joǵarǵy sotynyń baspasóz qyzmeti.
Ár suraq boıynsha oblystyq sottardyń tóraǵalary men jaýapty qyzmetkerlerine tapsyrmalar berilip, aryzdanýshylardyń aryzdaryn muqııat tekserýdi, eger aıtylǵan faktiler oryn alǵan bolsa, buzylǵan quqyqtardy qaıta qalpyna keltirýge qatysty sharalar qoldanýdy qatań tapsyrdy.
Bir aryz boıynsha M.Álimbekov qyzmettik tekseris júrgizýdi tapsyryp, aıtylǵan fakti rastalǵan jaǵdaıda, kinálini zańnamada belgilengen tártipte jaýapkershilikke tartýdy tapsyrdy.
Joǵarǵy sot tóraǵasy azamattardy qabyldaýdy aı saıyn tikeleı azamattardy qabyldaý arqyly nemese oblystyq sottarmen beınekonferentsııa túrinde ótkizip turady. Beınekonferentsııa baılanysy (onlaın-qabyldaý) azamattarǵa Astanaǵa at arytyp kelmeı-aq, Joǵarǵy sot tóraǵasyna tikeleı suraqtaryn joldaýyna, sonymen qatar, ol saýaldaryna sol mezetinde jaýap alýǵa múmkindik beredi.
