QR Joǵarǵy Sotynyń qylmystyq ister jónindegi qadaǵalaýshy sot alqasynyń tóraǵasy bolyp A.Rahmetýlın taǵaıyndaldy

ASTANA. QazAqparat - Memleket basshysy Nursultan Nazarbaevtyń Jarlyǵymen Abaı Rahmetýlın Joǵarǵy Sottyń qylmystyq ister jónindegi qadaǵalaýshy sot alqasynyń tóraǵasy bolyp taǵaıyndaldy, dep habarlaıdy QR Joǵarǵy Sotynyń baspasóz qyzmetinen.

Rahmetýlın Abaı Jambyluly 1965 jyly Reseı Federatsııasynyń Omby oblysynda dúnıege kelgen.

S.M.Kırov atyndaǵy Qazaq memlekettik ýnıversıtetiniń zań fakýltetin bitirgen soń eńbek jolyn Kókshetaý qalalyq zań keńesiniń advokaty bolyp bastady. 1992-1993 jyldary Kókshetaý qalalyq halyq sotynyń ákimshilik jáne atqarý óndirisi jónindegi sýdıasy, halyq sýdıasy bolyp qyzmet atqardy.

1993-2004 jyldar aralyǵynda Kókshetaý qalalyq halyq soty tóraǵasynyń orynbasary, Kókshetaý qalalyq sotynyń tóraǵasy, Aqmola oblystyq sotynyń qylmystyq ister jónindegi alqasynyń tóraǵasy qyzmetterin atqardy. Qazaqstan Respýblıkasy Joǵarǵy Sotynyń sýdıasy (2004-2007 jj.), Ońtústik Qazaqstan oblystyq sotynyń tóraǵasy (2007-2012 jj.) bolyp jumys istedi.

2012 jyldyń naýryzy men 2015 jyldyń naýryzy aralyǵynda Shyǵys Qazaqstan oblystyq sotynyń tóraǵasy qyzmetin atqardy.

Birinshi synypty sýdıa dárejesine ıe. «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan. Birqatar ǵylymı-tájirıbelik jarııalanymdardyń avtory.