QR Joǵarǵy sotynyń delegatsııasy Beıjińge barady

ASTANA. QazAqparat -11-12 sáýirde Qaırat Mámı bastaǵan Joǵarǵy sot delegatsııasy Qytaıǵa (Beıjiń) barady, dep habarlady vedomstvonyń baspasóz qyzmetinen.

Sapar barysynda QHR Joǵarǵy halyqtyq sotynyń tóraǵasymen kezdesý josparlanǵan.  Sonymen qatar, qazaqstandyq delegatsııa Memlekettik sýdıalar akademııasyna barmaq.

Qazaqstandyq delegatsııa quramyna Joǵarǵy sot sýdıasy Madııar Balken, Aqmola oblystyq sotynyń tóraǵasy Nurǵazy Ábdiqanov, Batys Qazaqstan oblystyq sotynyń tóraǵasy Bek Ámetov jáne Joǵarǵy sot janyndaǵy sottardyń qyzmetin qamtamasyz etý Departamenti basshysynyń orynbasary Ásııa Qasenova kirdi.