QR Joǵarǵy Sotynda elektrondy sot isin júrgizýge kóshý baǵytyndaǵy jumystyń qorytyndysy shyǵaryldy
Azamattardyń sottarmen ózara is-qımylyn aıtarlyqtaı jeńildetýge baǵyttalǵan birqatar jobalar iske asyryldy. Atap aıtqanda, sot organdarynyń ınternet-resýrstarynda elektrondy sot qujattaryn kórýge arnalǵan «Sot qujattarymen tanysý» onlaın servısi (budan ári - Servıs) iske asyrylyp, jumys isteýde. Servıs arqyly belgili-bir sot isi boıynsha sot qujattaryn kórýge, saqtaýǵa jáne júktep alýǵa bolady. Sot protsesine qatysýshy uıaly telefon nómirine nemese elektrondy meken-jaıyna kelip túsken elektrondy aqparat (SMS-habarlama) boıynsha logın men qupııa sózge ıe bolady.
Atalǵan Servıstiń múmkindikterin keńeıtý úshin Qazaqstan Respýblıkasy Іshki ister mınıstrligimen birlesken buıryqqa qol qoıyldy.
Osy buıryqqa sáıkes ákimshilik quqyq buzýshylyq týraly hattamany qurý kezinde QR ІІM Ákimshilik polıtsııa basqarmasynyń ýákiletti laýazymdy tulǵalary Ákimshilik quqyq buzýshylyq týraly hattamaǵa «Sotqa kelý týraly talon» (budan ári - Talon) beredi.
Ákimshilik polıtsııa ákimshilik ister boıynsha Talondy quqyq buzýshyǵa jáne jábirlenýshige beredi, talonnyń kelesi bóligi materıaldardy odan ári sotqa joldaý úshin Ákimshilik quqyq buzýshylyq týraly hattamaǵa tirkeledi.
Atalǵan joba respýblıka sottarynda 2014 jylǵy 22 jeltoqsannan bastap iske asyrylýda.
Sotqa quqyq buzýshynyń nemese jábirlenýshiniń tolyq aty-jóni, jeke sáıkestendirý nómiri (budan ári - JSN), SMS-habarlama jiberýge arnalǵan uıaly telefonynyń nómiri, elektrondy poshtasy, naqty turǵylyqty jeriniń meken-jaıy kórsetilgen aqparattyq talony bar ákimshilik quqyq buzýshylyq týraly materıal kelip túsedi.
Talondy paıdalanýdyń negizgi artyqshylyqtary:
1) Ákimshilik quqyq buzýshylyq týraly isti is júrgizýge qabyldaý kezinde Talonda kórsetilgen uıaly telefon nómirine is nómiri, QR Joǵarǵy Sotynyń www.sud.gov.kz resmı saıtynda «Sot qujattarymen tanysý» aıdarynda tirkelýge arnalǵan logın men qupııa sóz týraly SMS-habarlama alý;
2) logın men qupııa sózdi qoldanyp, www.sud.gov.kz saıtynyń «Sot qujattarymen tanysý» aıdarynda ákimshilik quqyq buzýshylyq týraly isti qaraý nátıjeleri týraly aqparatty kórý, júkteý jáne basyp shyǵarý múmkindigi;
3) isti qaraý ýaqyty men ornyn belgileý týraly SMS-habarlamany alý;
4) www.sud.gov.kz resmı saıtynyń «Іsterdi qaraý tizimi» bóliminde isterdi qaraý tizimderin kórý múmkindigi;
5) taraptardyń sot qaýlysy shyǵarylǵan kún kórsetilgen SMS-habarlamany alýy.
Buǵan qosa, taraptar sot keńsesine Talonda kórsetilgen telefon arqyly aldyn-ala habarlasyp, sot qujattarynyń túpnusqalaryn ala alady.
Aıtalyq, búgingi kúni Astana qalasynyń mamandandyrylǵan aýdanaralyq ákimshilik sotyna 8277 ákimshilik materıal kelip túsken. Solardyń ishinde 5420 jol-kólik oqıǵalary jónindegi ister. Osy ister boıynsha Astana qalasynyń jol polıtsııasy qyzmetkerleri 5420 talon berdi.
2015 jyldyń 1 toqsanynda respýblıkanyń sottaryna 91 788 ákimshilik materıal ákimshilik materıal kelip tústi. Sonyń ishinde 62 560 materıal boıynsha talon berilgen, bul 68%-dy quraıdy. Bul materıaldar Jol júrý erejesin buzýshylarǵa qatysty jáne bulardy Ákimshilik polıtsııa organdary joldaǵan. Jergilikti sottarǵa kelip túsken materıaldardyń qalǵany ákimshilik quqyq buzýshylyq boıynsha isterdi qaraıtyn memlekettik organdardan kelip túsken. Máselen, Qarjy mınıstrliginiń Salyq komıteti, Іshki ister mınıstrliginiń Órtke qarsy qyzmet jáne ІІM-niń qurylymdyq bólimsheleri jáne t.b.
Sonymen qatar, Qazaqstan Respýblıkasy Ákimshilik quqyq buzýshylyq týraly kodeksiniń 36-taraýyna sáıkes Ákimshilik quqyq buzýshylyq týraly hattamalardy 52 memlekettik organ men ózge de ókiletti organdar toltyrady.
Talondy qoldaný memlekettik organdardyń protseske qatysýshylardy sot otyrysyn ótkizý týraly neǵurlym jedel habarlandyrýǵa, olardy barlyq qajetti qujattarmen tanystyrýǵa múmkindik beredi. Atalǵan servıs memlekettiń bıýdjet qarajatyn jáne taraptardyń qarjysyn núnemdeıdi, azamattar men sottardyń sot tóreligin júzege asyrý máseleleri boıynsha ózara is-qımylyn júıeleı túsedi.
