QR Joǵarǵy sotyna saılaý zańnamasynyń buzylýyna qatysty 353 talap-aryz tústi, onyń 24-i qanaǵattandyryldy

Bul týraly búgin elordada ótken baspasóz máslıhatynda QR Joǵarǵy sotynyń resmı ókili Oksana Peters málim etti.

«Kezekten tys saılaý barysynda respýblıka sottaryna saılaý zańnamasynyń buzylýyna qatysty 353 talap-aryz tústi. Onyń 8-i Parlament Májilisiniń depýtattaryn, al 345-i jergilikti máslıhat depýtattaryn saılaýǵa qatysty boldy», - dedi ol.

Onyń atap ótýinshe, saılaý komıssııalarynyń is-áreketterine qatysty talap aryzdardyń 70-i Ońtústik Qazaqstan oblysynda, 37-si Pavlodar oblysynda, 37-si Astana qalasyeda, 32-si Almaty qalasynda, 27-si Jambyl oblysynda, 25-i Aqmola bolysynda tirkelgen.

«Sheshim qabyldanǵan talap aryzdar sany 256, onyń ishinde 232-si boıynsha talap-aryz qanaǵattandyrýsyz qaldyrylyp, 24-i qanaǵattandyryldy», - dedi O.Peters.

Resmı ókildiń aıtýynsha, jergilikti sottarǵa kelip túsken aryzdar saılaý komıssııalarymen depýtattyqqa úmitker retinde tirkeýden bas tartý týraly sheshim qabyldanýymen baılanysty. Saılaý komıssııalary tarapynan mundaı sheshimderdiń qabyldanýyna aryzdanýshylardyń salyq deklaratsııalary týraly málimetterdi durys bermeýi, nasıhattaý materıaldaryn shyǵarý jáne ornalastyrý tártibin buzýy sebep bolǵan.