QR Joǵarǵy sotyna «elektrondyq úkimet» portaly arqyly 38 369 talap aryz tústi
«Sot júıesin qoljetimdi etý jáne ony ońaılatý maqsatynda Joǵarǵy Sot pen jergilikti sottardyń Internet-resýrstarynda azamattar úshin «Sot qujattarymen tanysý» jáne «Sot kabıneti» elektrondyq servısteri iske qosyldy. Osy servıster arqyly azamattar onlaın rejiminde elektrondyq túrde talap aryz bere alady, sondaı-aq sot aktisimen jedel tanysa alady», - delingen habarlamada.
QR Joǵarǵy sotynyń aqparatyna qaraǵanda, esepti kezeńde «elektrondyq úkimet» portaly arqyly 38 369 talap aryz, sot otyrysynyń hattamasyn berý týraly ótinish jáne hattamaǵa eskertýler tústi. Bul barlyq 2013 jylǵa qaraǵanda 1,5 esege artyq.
«Tuǵyrnamasy birkelki jáne ortalyqtan basqarylatyn Joǵarǵy Sot pen jergilikti sottardyń Internet-resýrstary jańartyldy. Joǵarǵy Sottyń Internet-resýrsynyń reıtıngi 2014 jylǵy birinshi jartyjyldyqta memlekettik organdardyń resmı saıttarynyń arasynda 29 orynnan 2 orynǵa kóterildi. Saıtqa kelýshilerdyń sany 2 esege ósti jáne táýligine 2 500-den astam kelýshilerdi quraıdy», - delingen vedomstvo aqparatynda.
