QR Joǵarǵy soty Arman Shoraevtyń isi boıynsha aldyn ala baǵa berýge asyqpaýdy surady
NUR-SULTAN. QazAqparat – Joǵarǵy sottyń baspasóz hatshysy Aıdos Sádýaqasov Arman Shoraevqa qatysty qylmystyq is sot óndirisinde emes, sotaldy tergeý kezeńinde ekendigin málimdedi, dep habarlaıdy QazAqparat.
«Arman Shoraevqa qatysty bultartpaý sharasyna ruqsat berý múmkindigi boıynsha mynany habarlaımyz: qazirgi ýaqytta Almaty qalasynyń tergeý sotyna oǵan qatysty is materıaldary kelip túsken joq», - dep jazdy Aıdos Sádýaqasov Facebook -te.
Joǵarǵy sottyń baspasóz hatshysy atap ótkendeı, BAQ ókilderiniń protseske qatysý máselesin sheshý tek qana sottyń aıryqsha quqyǵynda. «Zań boıynsha eshkimniń, tipti Joǵarǵy sot tóraǵasynyń da ádil sot protsesine aralasýǵa quqyǵy joq. Іsti óndiriske alǵan sýdıany baqylaý jáne oǵan nusqaý berýdi ádil sot sheshimin qabyldaýǵa qol suǵý retinde qarastyrǵan jón, buǵan jol berilmeıdi. Sottyń is-áreketine aldyn ala baǵa berýge asyqpaýdy suraımyz», dep qosty Aıdos Sádýaqasov.
Buǵan deıin habarlanǵandaı, Arman Shoraev tótenshe jaǵdaı kezinde aldynda ala jalǵan aqparat taratqany úshin ýaqytsha ustaý oqshaýlaǵyshyna qamalǵan bolatyn.