QR Joǵarǵy Soty 29 tulǵaǵa qatysty úkimderdiń kúshin joıdy
ASTANA. 17 mamyr. QazAqparat - 2012 jyldyń І jartyjyldyǵynda QR Joǵarǵy Sottyń qylmystyq ister jónindegi qadaǵalaý sot alqasymen 29 tulǵaǵa qatysty úkimderdiń kúshi joıylǵan.
Bul týraly búgin Joǵarǵy Sottyń resmı ókili Oksana Peters málim etti.
Onyń ishinde 5 adamǵa qatysty qylmys oqıǵasynyń bolmaýyna, qylmys quramynyń jáne aıyptaýdyń dálelsizdigine baılanysty ister qysqartylǵan.
«2011 jyly qadaǵalaý tártibimen 119 tulǵaǵa qatysty tómengi satydaǵy sottar úkimderiniń kúshi joıylǵan, onyń ishinde 38 tulǵaǵa qatysty ister aqtalý negizdemesine baılanysty qysqartyldy», - dep atap kórsetti O. Peters.
