QR Jer resýrstaryn basqarý jónindegi agenttigi tóraǵasynyń jańa orynbasary taǵaıyndaldy

ASTANA. 3 qyrkúıek. QazAqparat - QR Premer-Mınıstriniń bıylǵy 14 tamyzdaǵy ókimimen Baýyrjan Ámirjanuly Smaǵulov QR Jer resýrstaryn basqarý jónindegi  agenttigi tóraǵasynyń orynbasary bolyp taǵaıyndaldy. Bul jaıynda atalǵan agenttiktiń saıty jarııalady.

 B. Smaǵulov 1963 jyldyń 11 tamyzynda Qaraǵandy qalasynda dúnıege kelgen. Bilimi - joǵary. Atap aıtqanda, ol Qaraǵandy memlekettik medıtsınalyq ınstıtýtyn, Qaraǵandy ekonomıkalyq ýnıversıtetin, Qaraǵandy memlekettik tehnıkalyq ýnıversıtetin jáne RF Prezıdenti janyndaǵy memlekettik qyzmet Reseı akademııasyn támamdaǵan. Tirshilik áreketi jáne qorshaǵan ortany qorǵaý bakalavry, sondaı-aq tehnıka ǵylymdarynyń kandıdaty.

Qyzmettik jolyn 1986 jyly bastaǵan. 2005 jyldan bastap Qaraǵandy oblysynyń qorshaǵan ortany qorǵaý basqarmasy bastyǵy bolyp qyzmet atqardy. 2008 jyly Nura-Sarysý  ekologııa  departamentiniń bastyǵy bolǵan. Al 2010 jyly Qaraǵandy oblysy ákiminiń orynbasary qyzmetine taǵaıyndaldy. Ol 5 ǵylymı maqalanyń avtory.