QR Jazýshylar odaǵynyń Astana fılıalyna jańa basshy keldi
ASTANA. QazAqparat - Aqyn Dáýletkereı Kápuly Qazaqstan Jazýshylar odaǵynyń Astana qalasyndaǵy fılıalynyń dırektory bolyp taǵaıyndaldy, dep habarlaıdy QazAqparat tilshisi.
Aıta ketsek, buǵan deıin Qazaqstan Jazýshylar odaǵynyń elordalyq fılıalyn basqarǵan Baýyrjan Qaraǵyzuly bul qyzmette nebári alty aı - osy jyldyń sáýiri men qyrkúıegi aralyǵynda boldy. Keıin B.Qaraǵyzuly Mádenıet jáne sport mınıstriniń keńesshisi laýazymyna taǵaıyndaldy.
Dáýletkereı Kápuly 1977 jyly 9 tamyzda dúnıege kelgen. Ál-Farabı atyndaǵy QazMUÝ-dyń fılologııa fakýltetin (1995-1999), L.N. Gýmılev atyndaǵy EUÝ-diń magıstratýrasyn (2000-2002) bitirgen. Atalmysh ýnıversıtettiń PhD doktaranty. Halyqaralyq, respýblıkalyq aqyndar aıtysynyń birneshe dúrkin jeńimpazy. «Daryn» Memlekettik jastar syılyǵynyń laýreaty. Eki dúrkin Memlekettik stıpendııa ıegeri. «Shabyt» III halyqaralyq shyǵarmashyl jastar festıvaliniń poezııa nomınatsııasy boıynsha gran-prı ıegeri. «Jyr táńiri», «Óleńge árkimniń-aq bar talasy», «Jas aqyndar jyrlarynyń antologııasy», «Baıbesik tumalary», «Táýelsizdiktiń nurly tańy», «Shabyt», «Jıdebaı», «Janartaý», «Azattyq tańyndaǵy azat jyr» jáne taǵy da basqa qazaq aqyndarynyń birikken jyr jınaqtarynda óleń-jyrlary jarııalanǵan.
«Sútti ińir»,(2007), «Búldirgen aǵyp túskenshe» (2011) atty jeke jyr jınaqtary jaryq kórgen.
foto: adebiportal.kz
