QR jáne RF Qarýly Kúshteriniń birlesken áskerı oqý-jattyǵýlary aıaqtalýǵa jaqyn
ASTANA. 27 maýsym. QazAqparat - Qazaqstannyń shyǵysynda Qazaqstan jáne Reseı Qarýly Kúshteri qatysyp jatqan «Shyǵys-2011» birlesken jedel-taktıkalyq komandalyq-shtabtyq oqý-jattyǵýlary aıaqtalýǵa jaqyndap qaldy.
Búgin jattyǵýlar ótip jatqan Shyǵys jalpy áskerı polıgonynda oqýlardyń taktıkalyq ádisteri kórsetildi, dep habarlaıdy QR Qorǵanys mınıstrliginiń baspasóz qyzmeti.
QR QK Qurlyq áskerleriniń Bas qolbasshysy general-leınenat, oqý-jattyǵýdyń jetekshisi bolyp tabylatyn Murat Maıkeev bólimsheniń is-qımylyn nazar salyp baqylady. Qazaqstanǵa jedel toptyń quramynda kelgen reseılik general, RF Ortalyq áskerı okrýgy shtab bastyǵynyń orynbasary, general maıor Sergeı Chývakın pen Ekinshi reseı áskeri shtabynyń bastyǵy, general-maıor Alekseı Salmın M.Maıkeevpen jattyǵýlardy birge baqylady.
«Shyǵys» polıgonyna shyqqan Qazaqstan jáne Reseı Qarýly Kúshteri shtabynyń ofıtserleri karta boıynsha tyńǵylyqty jumys istedi. Endi komandırler jumysqa kirisip, áskerlerdi basqarý ónerin kórsetedi. Olar «Shyǵys-2011» birlesken oqýlardyń aıaqtalatyn kúni - 29 maýsymda jattyǵýlaryn kórsetedi.
