QR jańa Qylmystyq kodeksinde medıtsınalyq qylmystyq quqyq buzýshylyqtar týraly arnaıy bólim engizildi

Onyń ishinde jalǵan dárilik zattardy zańsyz aınalymǵa shyǵarǵandar úshin qylmystyq jaýapkershilik qarastyrylǵan.

Máselen , osy Kodekstiń 317-babynda abaısyzda eki nemese odan da kóp adamnyń ólimine ákep soqqan is-áreketter - belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp, úsh jyldan jeti jylǵa deıingi merzimge bas bostandyǵynan aıyrýǵa jazalanady.

Al 319-bapta zańsyz túsik jasaý máselesine arnalyp otyr. Atap aıtqanda, tıisti beıindegi joǵary medıtsınalyq bilimi joq adamnyń túsik jasaýy - eki myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.

Esterińizge sala keteıik, 2015 jyldyń 1 qańtarynan Qazaqstanda jańa Qylmystyq kodeks kúshine endi. Onda aýyr jáne asa aýyr qylmys jasaǵandarǵa qatysty sanktsııalardy qatańdatý qarastyrylǵan. Sonymen qatar kodekste jeńil-jelpi quqyq buzýshylyqtarǵa zańnamany izgilendirý de kózdelip otyr.