QR zeınetaqy júıesin jańǵyrtý jónindegi zań jobasynda qarastyrylǵan tetikter jetildirýdi qajet etedi - Májilis depýtaty
ASTANA. 9 maýsym. QazAqparat - QR Parlamenti Májilisiniń depýtaty, Qazaqstan tutynýshylar lıgasynyń prezıdenti Svetlana Romanovskaıa zeınetaqy júıesin jańǵyrtýǵa qatysty óz pikirimen bólisti.
Ol «Kazahstanskaıa pravda» gazetine bergen suhbatynda: «El Prezıdenti Nursultan Nazarbaevtyń málimdemesin bútin qoǵam tosty. Zeınetaqy reformasy árbir adamdy, halyqtyń barlyq sanatyndaǵy, jastaǵy jáne mamandyqtaǵy ókilderin tolǵandyrady», - dep atap ótti.
- Áıelder úshin zeınettik jasty arttyrýǵa qatysty túrli pikirler aıtyldy. Kóptegen qazaqstandyq áıelder qarttyq jasyna qaraı zeınetaqylyq jınaqtamalary neǵurlym kóp bolýy úshin jáne balalaryna kómektesýge múmkindik úshin ony kóterýdi qoldady. Adamdardyń ómir súrý uzaqtyǵy artýda, búginde 60 jastaǵy áıel áli belsendi jáne osy jastaǵy burynǵy áıelderge uqsamaıdy. Degenmen, áıelderdiń kóp bóligi qarsy boldy jáne bul qazirgi áleýmettik jaǵdaımen, jumysqa ornalasýda jáne adamnyń densaýlyǵyna qatysty problemalardyń joqtyǵymen baılanysty.
Biz aldymen, jumys oryndarynyń qajetti sanyn qurýymyz tıis, odan keıin ǵana baryp zeınetaqy júıesin jańǵyrtýdy oılaýymyz qajet. Jáne Prezıdent ol úshin zeınettik jasty ulǵaıtýdyń basqa merzimderin usynyp otyr. Bul rette ol zeınettik jasty eńbek jaǵdaıyna jáne mamandyqqa baılanysty belgileý máselesin de atap ótti.
Sondaı-aq zań jobasynda usynylyp otyrǵan ózge de, sonyń ishinde zeınetaqy qorlarynyń qyzmetine qatysty tetikter jetildirýdi qajet etedi. Menińshe, biz sarapshylarmen, túrli qurylymdarmen jáne uıymdarmen birge durys sheshimdi tabatyn bolamyz.
Eske salaıyq, 2013 jyldyń 7 maýsymy kúni QR Prezıdenti Nursultan Nazarbaev zeınetaqy júıesin jańǵyrtý máselesi boıynsha málimdeme jasap, Qazaqstan halqyna Úndeý joldady. Tolyǵyraq.
