QR-ynda tikushaq apatqa ushyraǵannan keıin sanavıatsııanyń barlyq áýe kemeleri túgeldeı tekseriledi
ASTANA. QazAqparat - QR Investıtsııalar jáne damý mınıstrliginde Almaty oblysynda tikushaq qulaýynyń sebepterin tekserý jóninde komıssııa quryldy, dep habarlady vedomstvonyń baspasóz qyzmeti.
Eske sala keteıik, Úsharal - Taldyqorǵan baǵyty boıynsha reıs atqarǵan áýe kemesi keshe 27 qańtarda apatqa ushyrady. Tikushaq bortynda 5 adam: ushqysh V.Kondratıýk, 1970 j.t.; dáriger gematolog B.Qaısanova, 1964 j.t., feldsher G.Hamıtova, 1993 j.t., K.Ábilqasym - 1989 j.t., B.Ábilqasym - 2015 j.t. boldy. Qaza bolǵandardyń deneleri jáne tikushaq synyqtary Taldyqorǵan qalasy áýejaıynan 18 shaqyrym jerden tabyldy.
2016 jylǵy 27 qańtardaǵy saǵat 18:30-da (Astana ýaqytymen) alynǵan alǵashqy habarlamaǵa sáıkes «Qazaeronavıgatsııa» RMK jedelhatynda atalǵan bort ekıpajy 18 shaqyrym qashyqtyqta 500 metrge deıin bıiktikti tómendetý týraly baıandaǵannan keıin qonatyn jerine kelip jetpegeni aıtylǵan.
QR Investıtsııalar jáne damý mınıstrligi kólik prokýratýrasymen birlese otyryp, sanıtarlyq avıatsııanyń barlyq áýe kemelerin túgelimen tekserýdi bastaıdy.
