QR-ynda órt saldarynan 7 adam qaza tapty - QR TJM

Jeksenbi, 27 qarasha kúni, Almatydaǵy 5 qabatty kóppáterli úıden órt shyqty. Alǵan termııalyq kúıikterden 32 jastaǵy er adam aýrýhanada kóz jumyp, tunshyqtyrǵysh gazdan ýlanǵan 5 jasar bala aýrýhanaǵa jatqyzyldy. Órtten zaqymdalǵan jer aýdany 5 sharshy metrdi qurady. Órtti joıýǵa jeke quramnyń 10 qyzmetkeri men QR TJM Almaty qalasyndaǵy TJD órt sóndirý qyzmetiniń 3 tehnıkasy jumyldyryldy.

Sol kúni Aqtóbede 3 qabatty turǵyn úıde páter jandy. Órtti sóndirý kezinde eki máıit tabyldy: bireýi 69 jastaǵy zeınetker bolsa,ekinshi kisiniń kim ekeni anyqtalǵan joq. Órt aýmaǵy sharshy 40 metrdi qurady. Tótenshe jaǵdaıdy joıý jumystaryna jeke quramnyń 10 qyzmetkeri men QR TJM Aqtóbe oblysynyń TJD órt sóndirý qyzmetiniń 3 tehnıkasy jumyldyryldy. 3 adam men 1 tehnıka birligi QR TJM «Apattar medıtsınasynyń ortalyǵy» MM-niki.

Shyǵys Qazaqstan oblysynyń Parygıno aýylynda 27 qarasha kúni jeke turǵyn úıde órt paıda boldy. Oqıǵa ornynda eki zeınetker - er adam men áıeldiń máıitteri tabyldy. Órtten zaqymdalǵan jerdiń aýmaǵy 75 sharshy metrdi qurady. Órtti joıýǵa jeke quramnyń 10 qyzmetkeri men QR TJM Shyǵys Qazaqstan oblysynyń TJD órt sóndirý qyzmetiniń 3 tehnıkasy jumyldyryldy.

Petropavl qalasynda jeksenbi kúni jeke turǵyn úı órtendi. Oqıǵa ornynda 62 jastaǵy azamattyń máıiti tabyldy. Órt aýmaǵy 24 sharshy metrdi qurady. Órtti joıýǵa jeke quramnyń 9 qyzmetkeri men QR TJM Soltústik Qazaqstan oblysynyń TJD órt sóndirý qyzmetiniń 3 tehnıkasy jumyldyryldy.

Aqtóbe oblysynyń Komsomol aýylynda 27 qarasha kúni «VAZ» avtokóligi órtendi. Oqıǵa ornynda 42 jasar er adamnyń máıiti tabyldy. Órtti joıýda jeke quramnyń 4 qyzmetkeri men QR TJM Aqtóbe oblysynyń TJD órt sóndirý qyzmetiniń 1 tehnıkasy jumyldyryldy.