QR-ynda tsıklonnyń yqpalymen keı jerlerde jańbyr jaýady, naızaǵaı oınaıdy, jel kúsheıedi - 11 sáýirge aýa raıy boljamy
ASTANA. 10 sáýir. QazAqparat - 11 sáýirde QR-nyń batys jáne soltústik aımaqtarynda tsıklonnyń jáne atmosferalyq aǵyndardyń yqpalymen keı jerlerde azdap jańbyr jaýyp, naızaǵaı oınaıdy, jel kúsheıedi.
Respýblıkanyń qalǵan bóliginde kún ashyq bolady, keı jerlerde ǵana uıtqyǵan jel turyp, soltústikte tuman túsýi múmkin, dep habarlady TJM baspasóz qyzmeti Qazgıdrometke silteme jasap.
Mańǵystaý, Batys Qazaqstan, Aqtóbe oblystarynda keı jerlerde jeldiń ekpini sekýndyna 15-20 metrge jetedi, Aqtóbe, kúndiz Mańǵystaý oblystarynda keı jerlerde naızaǵaı oınaıdy.
Qostanaıda, túnde Soltústik Qazaqstan, kúndiz Aqmola, Qaraǵandy oblystarynda - keı jerlerde sekýndyna 15-20 metr ekpinmen jel soǵady, Soltústik Qazaqstanda keı jerlerde - tuman túsedi.
Almaty oblysynyń Jalańashkól aýdanynda jeldiń kúshi sekýndyna 17-22 metrge jetedi.
Taıaýdaǵy táýlikterde Jaıyq ózeninde, Qostanaı, Soltústik Qazaqstan, Aqmola oblystarynyń ózenderinde (Esil, Jabaı, Tobyl, Aıat, Jelqýar jáne t.b.) kóktemgi sý tasýy jalǵasady, sýdyń deńgeıi kóteriledi.
Shyǵys Qazaqstan oblysynyń kóptegen ózenderinde jáne Almaty oblysynyń keıbir taý betkeılerindegi ózenderinde sý deńgeıi kóteriledi. Ertistiń Semııarskoe aýlynan tómen bóliginde muz buzylyp, keptelister bolýy, sý deńgeıiniń kóterilýi baıqalady.
