QR-y birqatar oblystarynyń ózenderinde qar sýy erýi men jańbyrdyń áserinen kóktemgi sý tasqyny bolýy múmkin - 13 sáýirge arnalǵan aýa raıy
ASTANA. 12 sáýir. QazAqparat - 13 sáýirde QR aýmaǵynyń basym bóliginde tsıklonmen jáne onymen baılanysty atmosferalyq aǵyndar yqpal etip, jaýyn-shashyn, kóbine jańbyr jaýady, jeldiń kúsheıedi, soltústikte jáne slltústik-batysta birqatar jerlerde tuman túsedi.
Shyǵysta jáne ońtústik-shyǵysta ǵana burynǵysha kún ashyq bolady, dep habarlady TJM baspasóz qyzmeti Qazgıdrometke silteme jasap
Qostanaı, Soltústik Qazaqstan, Aqmola, kúndiz Pavlodar, Qaraǵandy, Jambyl oblystarynda keı jerlerde jeldiń ekpini 15-20 metr/sekýndqa jetedi, Soltústik Qazaqstan, Qostanaı oblystarynda keı jerlerde tuman túsedi.
Qyzylorda, Ońtústik Qazaqstan oblystarynda - keı jerlerde naızaǵaı oınap, jeldiń ekpini 15-20 metr/sekýndqa deıin kúsheıedi.
Almaty oblysynyń Jalańashkól aýdanynda jeldiń kúshi sekýndyna 15-20 metrge jetedi.
Aqtóbe oblysynda túnde jáne tańerteń keı jerlerde tuman túsedi.
Taıaýdaǵy úsh táýlikte Jaıyq ózeninde, Qostanaı, Soltústik Qazaqstan, Aqmola oblystarynyń ózenderinde (Esil, Jabaı, Tobyl, Aıat, Jelqýar, Obaǵan jáne basqalary) kóktemgi sý tasqynynyń óristeýi jalǵasady, sý deńgeıi kóteriledi.
Atbasar qalasy mańynda Jabaı ózeninde eńisteý jerlerde sý kemerinen asýy múmkin. Aýa raıynyń joǵarylaýyna baılanysty qar shuǵyl erip, Shyǵys Qzaqstan oblysynyń ózenderinde kóktemgi sý tasqyny qalyptasady, sýdyń kemerinen asyp, jaıylýy jáne sý basý jaǵdaılary bolýy múmkin.
Ertis ózeniniń Shýlba sý qoımasynan tómengi bóliginde Shýlba sý qoımasynan sý jiberilýine baılanysty sý deńgeıi kóterilýi baıqalady; Semııar aýylynan tómen qaraı muz buzylyp, seń keptelisteri bolýy kútiledi.
Almaty oblysynyń taý betkeıi ózenderinde aýa temperatýrasynyń kóterilýine baılanysty sý deńgeıi kóterilip, kóktemgi sý tasqyny júrýi múmkin.
Eske aala keteıik, Qazaqstannyń birqatar oblystarynda kún sýytatyny eskertildi. Tolyǵyraq myna jerde .
